Unha sala de estar apta para nenos cunha sorpresa para durmir

A crianza require toda unha serie de habilidades, e non vén mal ter un sistema no que pór todas as cousas. Neste caso, resolveuse cunha combinación de solucións de almacenaxe abertas e pechadas. As caixas e os arquivadores, aos que se chega desde o escritorio infantil, facilitan o cambio de actividade. E aínda que todo estea pensado para sacar e gardar as cousas de forma ordenada, os focos favorecen o varrido nocturno da zona.

Nun espazo que é un barco pirata nun intre e o fondo dunha videochamada co portátil despois, ter mobles flexibles é todo un agasallo. Non se precisa moito, pero digamos que a mesa auxiliar con rodas TINGBY, o soporte multifunción para o portátil e o puf con almacenaxe non están aquí por casualidade. Estes, á súa vez, permítenche mover as cousas e centrarte no importante, sen esforzo, para pasar tempo en familia e xogar.

Esta sala de estar, que vira ao redor dunha peza central que traballa a dobre quenda, está pensada para todas as horas do día. É unha calidade que teñen moitos mobles: facilitar o día a día de forma intelixente ofrecendo máis do que lles corresponde. O resultado é un cuarto que funciona como un reloxo e que á vez recibe os membros da familia e as visitas con cor, confort e diversión.