Rolos asiáticos con albóndegas e salsa de soia
Tanto se os serves para picar como para acompañar outros alimentos ou como entrante, estes saborosos rolos de leituga con sabores asiáticos daranlle xeito a calquera celebración.
Porcións: catro | Tempo: 15 minutos
Ingredientes:
Rolos asiáticos con albóndegas
Oito albóndegas HUVUDROLL
Un aguacate
Dúas cenorias
Oito follas de leituga pequenas
Catro culleradas de dados de mango
Seis culleradas de colinabo picado
16 talladas finas de jalapeño fresco
Catro culleradiñas de sementes de sésamo negro
Catro culleradiñas de ceboliño picado
Salsa de soia
Cinco culleradas de salsa de soia clara
Unha culleradiña de xenxibre relado
O zume dunha lima acabada de espremer
Un chile picado
Dúas culleradiñas de coandro picado
- Mestura todos os ingredientes da salsa.
- Parte o aguacate en dous, baléirao e córtao en talladas finas. A continuación, corta a cenoria en tiras finas cun pelador de patacas ou unha mandolina.
- Lava as follas de leituga, sécaas e ponas nun prato.
- Cociña as albóndegas seguindo as instrucións do envase.
- Enche as follas de leituga co colinabo, a cenoria, o aguacate, as albóndegas, o mango e o jalapeño.
- Engade as sementes de sésamo e o ceboliño, e serve as follas de leituga coa salsa.
- Consello: Elabora a versión vexetariana da receita con albóndegas de proteína vexetal HUVUDROLL.
