Roliños de canela torrados con xeado
Buscas unha sobremesa doce e sinxela? Daniel Yngvesson, deseñador de alimentación, propón esta deliciosa sobremesa como unha forma divertida e saborosa de reciclar calquera roliño que che sobrara. Engade o teu xeado favorito, arandos, azucre glas, xarope de pradairo e améndoas picadas. A gozar!
Ingredientes
- 4 roliños de canela KAFFEREP, enfornados e preferiblemente que teñan un par de días
- 4 culleradas de xeado
- 1 dl de froitas silvestres
- 2 culleradas de améndoas picadas
- 1 cullerada de xarope de pradairo
- 1 culleradiña de azucre glas
Elaboración
- Quenta unha grella a temperatura media-alta. Coloca os roliños de canela na grella e cocíñaos ata que teñan unha cor dourada uniforme.
- Retira os roliños da grella e déixaos arrefriar un chisco. Corta cada roliño pola metade e éncheos co teu xeado favorito, froitas silvestres e améndoas picadas.
- Bota un pouco de xarope de pradairo por riba e remata cun chisco de azucre glas. Ñam!
