Saltar
GL ESgalego

Que podo facer para que unha cociña pequena semelle máis grande?

Hai moitos xeitos de conseguir que mesmo a cociña máis pequena desborde estilo e semelle máis ampla do que realmente é. Usa solucións de almacenaxe prácticas para gardar as cousas cando non as utilices e, se é posible, proba cun truco de deseño moi sinxelo: as frontes brancas reflicten a luz e dan sensación de amplitude.

Unha cociña con caixóns e armarios de parede con frontes ENKÖPING brancas e unha guía HULTARP niquelada con ganchos na parede.
Unha cociña con caixóns e armarios de parede con frontes ENKÖPING brancas e unha guía HULTARP niquelada con ganchos na parede.

Consigue máis espazo de almacenaxe con accesorios de parede

A transición dun caos absoluto a unha zona luminosa e ampla non inclúe un "caixón para todo" no que, en realidade, é imposible atopar o que buscas. No seu lugar, coloca unha guía na parede e usa ganchos e recipientes de diferentes tamaños para ter unha vista clara das cousas máis pequenas, como bolígrafos, cadernos, tesoiras e chaves. Un mesado despexado proporciona un espazo apracible e luminoso onde poderás consultar o correo, pagar as facturas ou, simplemente, gozar dun merecido descanso. Ademais, a guía non só ofrece un espazo de almacenaxe moi práctico, senón que tamén é un elemento que chama a atención e realza o estilo xeral da cociña.

Velaquí todos os organizadores de parede
Esquina dunha cociña con frontes ENKÖPING brancas e unha guía HULTARP niquelada con ganchos e recipientes sobre un mesado.
Velaquí todos os organizadores de parede

Como organizar os caixóns da cociña

Os caixóns grandes son espazos prácticos para gardar o enxoval de cociña, pero poden desordenarse doadamente sen un pouco de organización. No canto de amorear as cousas unhas enriba doutras, usa organizadores de interior para dividilas en diferentes seccións. Usa un taboleiro perforado para os pratos e cuncos, e aposta por un portacoitelos para ter todos os coitelos no seu sitio. Unha bandexa para cubertos será o mellor lugar para gardar os garfos, os coitelos e as culleres. Este armario dispón dun caixón dentro doutro para aproveitar toda a altura sen dividir a elegante fronte exterior. Así, terás unha cociña ordenada e visualmente atractiva.

Velaquí todos os organizadores de interior
Dous caixóns con frontes ENKÖPING brancas abertos; nun deles hai un caixón dentro doutro, cunha bandexa para cubertos no interior.
Velaquí todos os organizadores de interior

Sensación de amplitude con vitrinas

Para conseguir sensación de amplitude, engade portas de vidro que abran a cociña visualmente; como o vidro reflicte a luz natural, contribúe a darlle máis luminosidade. Os focos regulables e doados de instalar do interior dos armarios realzan a escena e achegan unha boa visión xeral das cousas que hai dentro.

Vitrinas con estruturas ENKÖPING brancas con enxoval de cociña amoreado nos andeis e iluminadas con focos MITTLED no interior.
Varias copas na balda dun armario con frontes ENKÖPING de vidro iluminadas por un foco MITTLED redondo.

Solucións extraíbles para unha maior funcionalidade

Contar con máis espazo no mesado sempre vén ben, pero se o espazo da túa cociña é limitado, a versatilidade é fundamental. Esta superficie de traballo extraíble é moi práctica cando precisas gardar a compra ou poñerte a cociñar. Cando remates, podes gardala de novo para manter a cociña despexada.

Unha superficie de traballo extraíble UTRUSTA aberta enriba dun caixón cunha fronte ENKÖPING branca e un tirador ENERYDA cromado.

Maximiza a almacenaxe e esquece a desorde

Cando tes o espazo xusto, queres aproveitar cada centímetro de almacenaxe. De feito, cantas máis cousas caiban nuns armarios ben organizados, máis doado será despexar o mesado e manter o aspecto acolledor e aberto. Os electrodomésticos máis pequenos caben perfectamente nun armario estreito, onde se pode acceder a eles facilmente e quedan ocultos tras unha fronte elegante.

Un armario estreito cunha fronte ENKÖPING branca e un pomo ENERYDA coa porta lixeiramente aberta e artigos de cociña dentro.

Electrodomésticos integrados para conseguir un aspecto uniforme

Para ocultar a campá de cociña, a lavalouza, a neveira e o conxelador, elixe o mesmo deseño de fronte que para o resto dos armarios de cociña: ao quedar fóra da vista, os electrodomésticos deixarán de ser o centro de atención. As superficies monocromáticas danlle un estilo elegante e apracible á cociña, ademais de facer que semelle máis grande e despexada.

Velaquí todos os armarios para electrodomésticos integrados
Unha cociña luminosa cunha fila de armarios baixos e de parede con frontes ENKÖPING brancas e un mesado EKBACKEN.
Unha placa de indución MATMÄSSIG negra cunha pota nunha cociña con armarios baixos e de parede con frontes ENKÖPING brancas.
Velaquí todos os armarios para electrodomésticos integrados

Cóntanos a túa experiencia!