Saltar
GL ESgalego

Que materiais son mellores para as potas e tixolas?

O aceiro inoxidable, o aluminio, o aceiro ao carbono, o ferro fundido, o cobre? Sen revestimento esmaltado, antiadherente? De que está feita a mellor tixola e cal é a mellor para ti? Todo depende do que cociñes e da túa forma de cociñar. Moitos/as chefs utilizan distintos tipos de enxoval de cociña para ter a flexibilidade e versatilidade necesarias para triunfar con calquera receita.

Varias potas e tixolas de distintos materiais, dende ferro fundido ata aceiro inoxidable, están colocadas sobre unha superficie en marrón claro.

Aceiro inoxidable (sen revestimento)

Apto para todo tipo de placas, incluídas as de indución. Utilizar este material tan querido non é pan comido, xa que debes aprender a controlar a temperatura para evitar que se peguen os alimentos. Se es principiante, recomendamos que utilices enxoval de cociña antiadherente. Para gozar dun aspecto máis luxoso e un desempeño excepcional, elixe enxoval de cociña de aceiro inoxidable recuberto de cobre.

Vantaxes

  • Versátil e duradeiro
  • Quéntase rápido/conserva ben a calor
  • Apto para lavalouzas
  • Apto para forno (en función da asa)
  • Apto para todo tipo de placas, incluídas as de indución


Inconvenientes

  • Require saber controlar a calor para evitar que a comida se pegue
  • Máis difícil de limpar que o enxoval antiadherente


Mantemento
O máis importante é deixar que o enxoval arrefríe antes de enxugalo, xa que os cambios rápidos de temperatura poden facer que se deforme. A maioría do enxoval de cociña de aceiro inoxidable pode lavarse en lavalouzas, pero hai chefs que prefiren facelo á man. Se hai comida pegada, mestura deterxente ou vinagre con auga e deixa que ferva uns minutos. Se é preciso, utiliza un estropallo metálico para rematar de limpalo. Poden utilizarse utensilios de cociña de silicona, madeira, nailon ou aceiro inoxidable con seguridade.

Velaquí todo o enxoval de aceiro inoxidable
Unha cazarola MIDDAGSMAT con tapa e unha pota FINMAT con tapa en cobre e aceiro inoxidable sobre unha superficie de cor verde clara.
Velaquí todo o enxoval de aceiro inoxidable

Aluminio

Os utensilios de cociña de aluminio son eficientes condutores da calor e garanten resultados de cocción uniformes. As potas e tixolas de aluminio de IKEA teñen un revestimento antiadherente, polo que son aptas para cociñar alimentos ácidos.

Vantaxes

  • Lixeiro e accesible
  • Quéntase rápido/distribúe ben a calor
  • Compatible coas placas de indución: a base das tixolas de aluminio de IKEA está feita dun material magnético


Inconvenientes

  • Non conserva a calor especialmente ben, polo que non é tan axeitado para cociñar lentamente.
  • Non se debe quentar en exceso cando xa está quente
  • Non é apto para a lavalouza
  • É un metal brando, polo que pode rascarse ou deformarse


Mantemento
Despois de cada uso: deixa que o enxoval arrefríe e lávao á man. Utiliza accesorios non afiados de plástico, madeira ou silicona. Evita os utensilios metálicos ou calquera outra cousa que poida rascar ou danar o revestimento antiadherente.

Unha pota HEMLAGAD negra con tapa e unha tixola IKEA 365+ negra, ambas con revestimento antiadherente, sobre unha superficie azul.
Unha tixola HEMLAGAD negra e unha pota HEMLAGAD con tapa, ambas con revestimento antiadherente, sobre unha superficie gris.

Antiadherente

O enxoval de cociña antiadherente pode ser unha boa opción para calquera chef, pero é especialmente axeitado para principiantes. É doado de limpar e perfecto para preparar alimentos delicados como ovos ou pescado. Ademais, pode cociñarse con pouco ou nada de aceite.

O enxoval de cociña IKEA cun material de sílice chamado "cerámica sol-gel" conserva o seu bo aspecto durante moito tempo se se usa e coida de forma apropiada. Este revestimento duradeiro ten unha excelente capacidade antiadherente sen usar PTFE nin outros PFAS.

Mantemento do enxoval de cociña antiadherente IKEA

  • No superes a temperatura adecuada de 250 °C/482 °F
  • Evita os utensilios metálicos que poderían rascar o revestimento
  • Despois de cociñar, deixa que arrefríe e lávao á man con auga quente e un estropallo suave

Aceiro ao carbono

O enxoval de cociña de aceiro ao carbono é tan duradeiro como o ferro fundido, pero máis delgado.

Vantaxes

  • Unha vez curada correctamente, é unha tixola antiadherente todo en un
  • Distribúe a calor uniformemente/consérvaa durante máis tempo
  • Máis lixeira que o ferro fundido
  • Apto para todo tipo de placas, incluídas as de indución
  • A súa capacidade antiadherente mellora co uso se se mantén adecuadamente
  • Apto para forno

 

Inconvenientes

  • Debe curarse cada certo tempo
  • Debe lavarse á man
  • Non é apto para alimentos ácidos

 

Mantemento
Para crear unha superficie antiadherente, recubre o enxoval de cociña cun aceite de sabor neutro e cúrao no forno quentado previamente (200 °C/392 °F durante 40 minutos) ou na placa (calor media durante uns 10 minutos), e repite o proceso dúas veces. Déixao arrefriar e elimina o exceso de aceite. Cúrao de novo cada certo tempo. Despois de cada uso: deixa que arrefríe antes de enxugalo. Lávao á man con xabón para lavalouzas e un cepillo, ou usa sal e un estropallo de aceiro, e deixa que seque por completo para evitar a oxidación. Apto para utensilios de madeira, silicona, nailon ou aceiro inoxidable.

Velaquí todo o enxoval de cociña de aceiro ao carbono
Unha tixola VARDAGEN de aceiro ao carbono sobre unha superficie de cor azul clara.
Velaquí todo o enxoval de cociña de aceiro ao carbono

Ferro fundido/ferro fundido esmaltado

O ferro fundido é duradeiro, pero require mantemento e non é axeitado para cociñar alimentos ácidos, agás se está esmaltado. As tixolas IKEA son de ferro fundido para que rendan mellor á hora de fritir, mentres que as potas están esmaltadas para que poidas guisar alimentos ácidos.

Vantaxes

  • Duradeiro e resistente
  • Distribúe a calor alta uniformemente/consérvaa
  • Elegante para servir
  • Apto para todo tipo de placas, incluídas as de indución
  • Apto para forno


Inconvenientes

  • Non é apto para alimentos ácidos (se non está esmaltado)
  • Require curado (se non está esmaltado)
  • Pesado ao manipulalo
  • Debe lavarse á man

Mantemento
Crea unha superficie antiadherente curando as tixolas e potas de ferro fundido antes de usalas. Recubre este tipo de enxoval cun aceite de sabor neutro e quéntao a 150 °C/ 302 °F durante polo menos unha hora. Déixao arrefriar e elimina o exceso de aceite. Cúrao de novo cada certo tempo. Despois de cada uso: deixa que o enxoval de cociña arrefríe antes de enxugalo. Lávao á man cunha pequena cantidade de xabón de lavalouzas ou, se o prefires, con sal ou un estropallo de aceiro. Sécao completamente para evitar que se oxide. É apto para utensilios de calquera material, pero evita os de metal no enxoval esmaltado.

Velaquí todo o enxoval de cociña de ferro fundido
Unha tixola VARDAGEN de ferro fundido e unha cazarola VARDAGEN con tapa en ferro fundido esmaltado sobre unha superficie marrón.
Velaquí todo o enxoval de cociña de ferro fundido

Como curar o enxoval de cociña de ferro fundido e aceiro ao carbono

Bótalle unha ollada a este vídeo para obter instrucións sobre como curar o enxoval de cociña de aceiro ao carbono. O proceso é case igual para o ferro fundido, pero ten en conta as lixeiras diferencias entre a temperatura e o tempo. Cando remates, a superficie antiadherente resultante axudarate a cociñar con moita máis facilidade.

Cóntanos a túa experiencia!