Gran chef
Creativo, experimental e esixente na cociña. Identifícaste? Entón, sen dúbida, estamos ante un gran chef!
Cociñeiros cunha sensibilidade especial á hora de cociñar e para os que as cociñas son verdadeiros laboratorios para ensaiar e probar novos pratos e novas técnicas. Case diriamos que es un chef profesional, polo que sabemos que tamén buscas a excelencia e a calidade nos teus utensilios de cociña. Deseñamos potas e tixolas que se adaptan ás túas necesidades e esixencias. Queres saber cales son mellores para ti? Sigue lendo!
✓ Instrumentos de máxima calidade
✓ Probas novas técnicas culinarias
✓ Conseguirás a excelencia nos teus pratos
SENSUELL é a mellor opción para ti!
A serie profesional SENSUELL é un dos nosos produtos estrela e está dirixida a cociñeiros profesionais. Para sacarlle o máximo partido, ten en conta que:
- A superficie da tixola non é antiadherente, polo que é moi fácil de limpar e a podes meter na lavalouza sen problema.
- O cal da auga, a auga salgada, o limón e o vinagre poden deixar manchas na tixola. Para evitalo, seca inmediatamente o produto logo de lavalo.
- Para que non se pegue a comida, quenta primeiro a tixola a lume forte e logo baixa a temperatura á metade. E a cociñar!
Deixámosche estas receitas para que non pares de sorprender
Confit de salmón con fiúncho e alioli
Para 4-6 persoas
Tempo: 45 min
Ingredientes
- 500 g de filete de salmón SJÖRAPPORT, cortado en cubos de 1,5 cm
- 2 culleradas de sal + algo para condimentar
- 1 cullerada de azucre
- 4 follas de loureiro
- 4 ramiñas de tomiño
- 1 cullerada de sementes de fiúncho
- 4 dentes de allo
- 100 ml de olivas negras
- 1 cullerada de sementes de coandro
- 1/2 limón, pel relada e zume
- 500 ml de aceite de oliva virxe extra
- 2 fiúnchos
- 12 coles de Bruxelas
- 1 presada de ravos con follas, lavados
- 4 ramiñas de aneto, cortadas en anacos grandes
- 4 culleradas de alcaparras
- 1/2 limón, zume
- Alioli
Elaboración
1. Machuca lixeiramente o sal, o azucre, o tomiño, as sementes de fiúncho, o allo e a reladura de pel de limón nun morteiro.
2. Engádelle á mestura as alcaparras, os ravos, as follas de loureiro e as olivas. Coloca o filete de salmón nunha bandexa para forno e verte a mestura sobre el. Mestura con coidado. Déixao repousar durante 20 minutos a temperatura ambiente.
3. Prequece o forno a 120 °C, coa función de aire forzado, e quenta o aceite de oliva a 40 °C.
4. Verte o aceite sobre o salmón e remóveo con coidado de forma que todas as pezas queden cubertas.
5. Enforna na bandexa central do forno durante uns 10 minutos ata que o salmón case se desfaga ao picar un garfo nel. Retira a bandexa e deixa que o peixe repouse co aceite.
6. Corta a raíz do fiúncho e córtao moi fino.
7. Quita as follas das coles de Bruxelas e corta o centro en tiras finas.
8. Mestura as follas verdes con alcaparras, zume e reladura de limón, sal e pementa. Pono nunha cunca bonita. Retira o aceite do salmón e sírveo todo xunto co alioli.
Coliflor asada con crema de pementos vermellos e pemento doce
Para 2-6 persoas
Tempo: 30 min
Ingredientes
- 1 coliflor mediana
- 3 pementos vermellos asados grandes
- 4 tomates secos deshidratados
- 1 cunca mediana de pipas de xirasol ou cabaza
- Zume de ½ lima
- ½ cullerada de escamas de pemento doce
- 1 cullerada de aceite de oliva
- 2 dentes de allo picados
Elaboración
Para a crema de pementos vermellos:
1. Torra as pipas nunha tixola cun pouquiño de aceite e unha chisca de sal.
2. Tritura os pementos vermellos asados (limpos de pebidas), as pipas, os tomates secos rehidratados, o zume de lima, os allos pelados, o aceite e o pemento doce ata conseguires unha mestura homoxénea.
3. Engade as escamas de pemento doce por riba e reserva nun tarro de cristal ata o seu uso.
Para a coliflor asada:
1. Retira as follas exteriores e o talo inferior para que poidas apoiar comodamente a coliflor sobre a táboa de cortar.
2. Utiliza un coitelo grande e corta a coliflor en rodas de 1,5 cm de grosor. Atención: Sobraranche restos que se irán esboroando, pero non os tires. Podes asalos ou gardalos para outras receitas.
3. Pinta cada lado das rodas de coliflor coa crema de pementos vermellos.
4. Acende a grella a boa potencia, engade un chorriño de aceite de oliva e coloca a coliflor pintada envolta en papel de forno. Deixa que se faga durante uns 6 minutos.
5. Cando a parte inferior do papel empece a torrarse, dámoslle a volta á coliflor para que se faga polo outro lado, pechamos de novo o papel de forno e deixamos outros 5 minutos. Deberá quedar tenra.
6. Retira e sirve quente cun pouquiño de crema de pementos vermellos e ensalada. Hoxe comerás ben.