Ensalada de cabaza
Sobrouche algo de cabaza da fin de semana pasada? Esta receita de Daniel Yngvesson, o noso deseñador de alimentación, daralle un toque distinto e contundente ás túas ensaladas cun pouco de cabaza. Engádelle col e unha deliciosa mestura de améndoas, bagas e queixo de cabra para gozar de toda unha explosión de sabor e enerxía.
Ingredientes
- 180 g de mestura de bagas e noces torradas lixeiramente salgadas MUNSBIT
- 1 kg de cabaza rabaqueta
- 2 dentes de allo picados
- 1 ml de chile moído
- 1 culleradiña de pemento
- 150 g de queixo de cabra
- 200 g de col negra tipo kale
- 1 cullerada de zume de limón acabado de espremer
- Aceite de oliva - Sal - Pementa
Elaboración
- Quenta o forno a 200 °C.
- Pela a cabaza, córtaa pola metade ao longo e quítalle as sementes. Córtaa en anacos e colócaos sobre unha bandexa de forno cuberta con papel para enfornar.
- Adereza con aceite de oliva, sal, pementa, allo, pemento e chile moído. Engade o queixo de cabra esfarelado en anacos grandes. Enforna no centro do forno durante uns 15 minutos ata que todo colla o ton axeitado.
- Mentres, lava a col negra. Pártea en anacos pequenos e colócaos nun cunco.
- Mestura a col co zume de limón, sal e aceite.
- Coloca a cabaza, o queixo de cabra e a col en capas nun prato. Engádelle as noces torradas e as bagas.
Consello: Engádelle sementes de granada para darlle un pouco máis de sabor. A gozar!
