Cunco de verduras con ensalada de col e hummus
Goza do equilibrio perfecto entre a textura crocante e cremosa deste cunco de verduras con ensalada de col, hummus e unha amálgama de ingredientes de cores. Perfecto para unha comida ou cea rápida.
Porcións: 4 | Tempo: 15 minutos
Ingredientes
Cunco de verduras
1 paquete de medallóns de verduras GRÖNSAKSKAKA (8 pezas)
1/2 cogombro
2 laranxas ou outras froitas
1 granada
65 g de leituga
Ensalada de col lombarda
1/2 kg de col lombarda
1 limón
2 culleriñas de aceite
Sal
Hummus
230 g de garavanzos aprox.
Zume de 1/2 limón
1 dente de allo
4 culleriñas de aceite de sabor neutro
1 culleriña de comino
2 culleriñas de pasta de sésamo
2 culleriñas de auga
Sal
Paso a paso:
- Para comezar, prepara os medallóns de verduras GRÖNSAKSKAKA seguindo as instrucións do envase.
- Corta a col lombarda en rodas finas, se é posible cun relador. Mestura o zume de limón mais o aceite, e sazona con sal.
- Pon todos os ingredientes do hummus nun batedor e sazona con sal. Engade auga se a mestura queda demasiado espesa.
- Corta o cogombro en tiras longas e finas.
- Corta as laranxas, ou a froita que escollas, en anacos pequenos.
- Pela a granada e saca as sementes con coidado.
- Bota todos os ingredientes nun cunco e pon perexil picado moi fino enriba como adorno.
