Saltar
GL ESgalego

Como gardar as olas e tixolas

Sabemos que gardar as olas e tixolas, e as súas tapas correspondentes, pode representar un verdadeiro reto. Afortunadamente, temos toda unha gama de solucións. Se prefires agochar o enxoval da cociña nun caixón, gardalo nun armario ou deixalo á vista na parede da cociña ou nun carriño, con esta guía poderás encontrar a solución perfecta para a túa casa.

Unha barra HULTARP fixada á parede dunha cociña. Hai tixolas e olas penduradas de ganchos fixados a ela para darlle un aspecto rústico.

Caixóns en orde, enxoval feliz e chefs relaxados

Queres saber como organizar as túas olas e tixolas nun caixón? O mellor é ordenalas de xeito que deas encontrado facilmente o que buscas e poidas collelas facilmente sen facer ruído. O organizador de caixóns perforado UPPDATERA ten 24 pinzas axustables que podes usar para manter as potas e as tapas no seu lugar. Cómpreche unha solución rápida? O separador de caixón UPPDATERA é unha forma sinxela de ordenar e equilibrar os teus armarios de cociña.

Outra posible complicación son as tapas das olas que, ademais de faceren ruído, poden desordenalo todo rapidamente. O soporte para tapas VARIERA permíteche gardar as tapas en vertical para maior comodidade á hora de encontrar o que buscas e sen facer ruído ao abrir o caixón.

Un organizador de caixón perforado UPPDATERA con potas, tixolas e tapas IKEA 365+, e tres táboas de cortar APTITLIG de bambú.

Un espazoso caixón de cociña cunha pota de aceiro inoxidable, tapas de potas e táboas de cortar madeira perfectamente ordenadas.
Nun caixón de cociña aberto, un separador de caixón UPPDATERA separa as potas e tixolas IKEA 365+ das súas tapas.

Consigue que o enxoval non pase da raia

Descubre os nosos accesorios de cociña, que aforran espazo, deseñados para as olas, tixolas e tapas quedaren en perfecta orde e ao alcance da man, sexa cal for a distribución.

Solucións verticais para gardar (e ensinar) o enxoval de cociña

Os estantes e soportes colgantes para olas aproveitan eficazmente a altura da cociña, de maneira que ofrecen moito espazo para gardar o enxoval sen ocupar o valioso espazo dos caixóns e armarios. Se os colocas preto da zona para cociñar, quer na parede, quer pendurados do teito, sempre terás as tixolas e olas á man. Ademais, non pasarán desapercibidas e daranlle un impulso ao estilo da túa cociña, sexa cal este for.

Tixolas de cobre de alta calidade, deseñadas por Studioilse para IKEA nunha cociña branca.

Unha tixola IKEA 365+ de aceiro inoxidable.
Varias tixolas penduradas dunha barra de cociña con ganchos, como unha tixola FINMAT de cobre e aceiro inoxidable con tapa.

Dálles traballo ás paredes

Dálle un fogar ao teu enxoval de cociña con andeis, barras e ganchos. É unha forma xeitosa e ordenada de ter as olas e tixolas ao teu alcance, mais sen molestaren.

Solucións extraíbles que achegan o enxoval de cociña

A pesar de que os armarios de cociña aproveitan o espazo eficazmente, en ocasións resulta difícil encontrar a tixola ou ola que precisas se tes moitas. Cun carrusel de armario para currunchos ou un accesorio extraíble, podes sacarlle máis partido á almacenaxe nos espazos menos accesibles e sacar o que precises sen que che caia unha tixola por accidente ou sen necesidade de retorcer o corpo. Os cestos de reixa de funcionamento suave tamén son estupendos para organizar as olas e tixolas: ofrecen unha boa visión xeral e permítenche coller facilmente os artigos gardados, ao tempo que se protexe o interior do armario de cociña.

Unha porta pregable aberta amosa un carrusel de armario baixo de esquina UTRUSTA con varias potas e tixolas, e protectores de tixolas BEDÖMA.
Tres cestos de reixa UTRUSTA con enxoval de cociña, como unha tixola VARDAGEN, extraídos dun armario de cociña branco.

Deixa de xogar ás agochadas!

Esquécete por fin de remexer en armarios inmensos: os andeis extraíbles e os caixóns de reixa permítenche atopar e coller facilmente a ola ou tixola que precises.

Dálles protagonismo ás túas olas e tixolas con andeis abertos

Garda o enxoval de cociña á vista: unha illa de cociña ou un carro con andeis son solucións marabillosas para gardar o enxoval de cociña que utilizas con maior frecuencia. Permítenche encontrar e coller facilmente a ola ou a tixola que queiras sen ocupar o mesado.

Unha cociña luminosa cun carro de cociña FÖRHÖJA con varios artigos de cociña nos estantes e na parte superior.
Unha illa de cociña TORNVIKEN cun morteiro negro na parte superior e olas e tixolas empilladas nos andeis inferiores.

Cóntanos a túa experiencia!