Como elixir frigorífico e conxelador

Precisas un frigorífico ou conxelador novo? Se buscas electrodomésticos para unha cociña nova ou se vas cambiar ou anovar os que xa tes, escoller o frigorífico e o conxelador axeitados non é tan difícil como se callar pensas ou imaxinas. Comeza por esta guía para mercar un frigorífico e descubre as cuestións importantes á hora de buscar os teus electrodomésticos.

Un frigorífico FORSNÄS integrado detrás dunhas frontes VEDDINGE brancas cunha porta aberta; dentro hai envases de cor azul intensa.

4 tipos diferentes de frigoríficos e conxeladores

Á hora de escoller electrodomésticos, é útil pensar na distribución da túa cociña, o número de persoas que viven na casa e os teus hábitos de cociña, socialización e compra. Estes son os tipos principais de IKEA:

Os frigoríficos, os conxeladores ou os frigoríficos con compartimento conxelador, sexan estes integrados ou independentes debaixo dos armarios, son perfectos para cociñas moi pequenas ou fogares cunha única persoa. Tamén resultan útiles se che cómpre máis espazo para complementar os electrodomésticos que xa tes.
As combinacións de frigorífico e conxelador son ideais para cociñas pequenas e fogares onde viven 2 ou 3 persoas. Están dispoñibles como electrodomésticos integrados ou independentes e aproveitan o espazo dispoñible de maneira eficiente.
Os frigoríficos e conxeladores de tamaño completo, quer integrados quer independentes, están pensados para familias numerosas e persoas ás que lles gusta moito cociñar ou que prefiren facer compras grandes.
A súa gran capacidade de almacenaxe, a facilidade para ver todo o contido e a organización sinxela fan que un frigorífico independente con dúas portas e caixóns conxeladores sexa o soño de moitas persoas.

Varios frigoríficos e conxeladores de distintos tamaños e modelos colocados diante dun fondo en amarelo alaranxado intenso.

Un frigorífico/conxelador integrado ou independente?

Á hora de optar entre un frigorífico/conxelador integrado ou independente, pensa no que se adapta mellor á túa cociña. Se podes escoller calquera das dúas opcións, velaquí che deixamos os pros e contras de cada tipo.

Frigorífico/conxelador integrado

Pros: instálase unha solución integrada nun armario de cociña cunha fronte do mesmo estilo que o resto da estancia, polo que o resultado é unha estética uniforme e elegante.

Contras: como o frigorífico/conxelador vai dentro dun armario, ten menos capacidade que unha solución independente e perdes algo de espazo de almacenaxe.

Frigorífico/conxelador independente

Pros: adoita ter máis espazo de almacenaxe que un electrodoméstico integrado dun tamaño parecido e é fácil de instalar, xa que abonda con colocalo onde queiras e enchufalo.

Contras: cun frigorífico/conxelador independente, non consegues un estilo de cociña uniforme.

Un frigorífico/conxelador independente de dúas portas RIBBENÅS colocado a carón dun frigorífico FORSNÄS e un conxelador FORSNÄS integrados.

Eficiencia na refrixeración e na almacenaxe

Como os frigoríficos e conxeladores sempre están acesos, podes aforrar cartos nas facturas se seleccionas un produto de alta clase enerxética. Hai moitas outras cousas que podes facer para seren máis eficientes e evitar que os alimentos se estraguen.

Asegúrate de que sexan herméticos. Se a porta queda lixeiramente aberta, o electrodoméstico terá que utilizar máis enerxía para compensar o cambio térmico. Os frigoríficos e conxeladores IKEA teñen alarmas de portas acústicas.
Non baixes demasiado a temperatura! Configúraos de maneira eficiente: o frigorífico só precisa entre 3 e 5 °C, e o conxelador, entre -15 e -18 °C.
A acumulación de xeada fará que o conxelador teña que consumir máis enerxía, así que quítalle o xeo con frecuencia. IKEA ten conxeladores con función antixeada ou con mínima formación de xeada para facilitarche as cousas.
Etiqueta os recipientes. Garda os alimentos que xa teñas dentro na parte dianteira e coloca os novos detrás. Deste xeito utilizarás o que merques mentres aínda estea fresco.
Desconxela os alimentos conxelados no frigorífico. É a forma máis segura de desconxelalos, e o frigorífico aproveitará ese frío para aforrar enerxía.

Un frigorífico/conxelador SKOGNÄS integrado, con diferentes froitas e verduras, así como recipientes verdes no interior.

Como podo saber que tamaño de frigorífico preciso?

Escoller un frigorífico do tamaño correcto depende do teu estilo de vida e dos teus hábitos, pero isto pode ser de axuda: se cociñas con frecuencia e adoitar ir ao supermercado un par de veces por semana, necesitarás un frigorífico cunha capacidade de almacenaxe duns 100 litros se non vives con ninguén máis. Por cada persoa que viva contigo, é recomendable sumir uns 50 litros. Por suposto, se prefires mercar con menor frecuencia ou facer provisión dos teus alimentos favoritos, é posible que queiras algo máis de espazo. No tocante á capacidade de conxelación, é un chisco máis sinxelo: ou a necesitas ou non. No primeiro caso, o espazo necesario dependerá dos teus hábitos de compra e de cociña, así como do número de persoas que vivan no teu fogar. Unha norma xeral é ter uns 30-50 litros de espazo de conxelador por persoa.

Un pequeno frigorífico LAGAN con compartimento conxelador colocado a carón dun frigorífico FORSNÄS e un conxelador FORSNÄS integrados.

Funcións sinxelas para unha refrixeración práctica con menos reboutallos

As funcións intelixentes poden axudarche a manter a comida fresca e a aforrar enerxía para desperdiciar menos elementos e pagar menos nas facturas. Estas son tres opcións importantes que ter en conta:

Función antixeada: a xeada do interior do conxelador pode facer que consuma máis enerxía para manter a temperatura correcta. A función antixeada evita a formación de xeo.
Arrefriamento e conxelación rápidos: se che gusta facer compras grandes, encherás o frigorífico/conxelador con moitos alimentos ao mesmo tempo. Con estas funcións, aseguraraste de que os alimentos novos manteñen a temperatura de almacenaxe perfecta, conservan o seu frescor e a comida que xa tes non se quenta.
Refrixeración por ventilador: un ventilador integrado fai o aire circular de maneira uniforme para organizares perfectamente os teus alimentos sen preocuparte polas diferenzas de temperatura. Hai moitas outras funcións útiles, como o modo vacacións e os caixóns de baixa temperatura e humidade cos que aproveitar o teu electrodoméstico ao máximo.

Unha persoa vai coller un bote de conservas en vinagre dun andel dun frigorífico/conxelador SKOGNÄS integrado cheo de alimentos.