Como configurar a iluminación da cociña

Ter iluminación integrada que se acende automaticamente dentro dos caixóns da cociña é como unha pequena festa sorpresa cada vez que os abres. E verdadeiramente é unha grata sorpresa o fácil que é atopar as cousas. Instalala tamén é doado, non fai falla un electricista.

As tiras de iluminación debaixo dos armarios superiores realzan tanto o ambiente como a funcionalidade da cociña. Pódense atenuar para obter unha luz de fondo agradable ao cear. Pero, sobre todo, fan que a preparación de alimentos sexa máis segura, doada e divertida. Como a fonte de luz está en fronte de ti, non se proxectan sombras sobre o que estás a facer.

A localización central dálle á lámpada colgante da mesa do comedor o potencial de ser unha peza especial. Daquela, por que non escoller un deseño que achegue verdadeiramente un pouco de personalidade? Chega con non perder de vista que tamén debe proporcionar unha boa luz funcional para realizar todas as actividades, dende pracenteiras comidas ata tarefas escolares e afeccións.