Trucos para que as túas sobras aguanten máis tempo
Todas as persoas sabemos que hai que gardar as sobras, pero quen nos ensina a facelo? Esa deliciosa boloñesa ou os restos do teu último pedido a domicilio duran máis se os gardas no recipiente axeitado. Sigue a ler e descubre como conservalos igual de saborosos que o primeiro día!
Vidro ou plástico?
Depende do que vaias gardar:
-Mollos e guisos: Plástico para microondas ou vidro se queres requentar no forno.
-Ensaladas e alimentos secos: Ambos os dous serven, pero a tampa debe ser hermética.
Truco adicional: Engade un chorriño de limón ou aceite ás ensaladas de legumes para que se manteñan frescas varios días.
Deixa espazo!
Ao conxelar mollos ou sopas, non enchas os recipientes ata arriba. Os líquidos expándense ao conxelarse, así que deixa uns 3 cm libres na parte superior para evitar que a presión os dane. Fácil de recordar: enche a túa cunca de café ata arriba, pero non os recipientes de comida.
Deixa espazo!
Ao conxelar mollos ou sopas, non enchas os recipientes ata arriba. Os líquidos expándense ao conxelarse, así que deixa uns 3 cm libres na parte superior para evitar que a presión os dane. Fácil de recordar: enche a túa cunca de café ata arriba, pero non os recipientes de comida.
Escolle ben o tamaño
Se vas comer todas as sobras ao día seguinte, un recipiente de vidro grande é ideal. Podes usar o mesmo recipiente para cociñar e requentar. Só tes que quitarlle a tampa antes de metelo na frixideira de aire. Se a túa idea é gardar a comida para máis tarde, gárdaa en recipientes máis pequenos. Para os restos de froita, usa bolsas reutilizables ISTAD e gárdaas no conxelador para despois, ou déixaas na neveira, listas para comer.
