Bolos fermentados en frío con muesli e flocos de sal
Un xeito sinxelo de almorzar bolos acabados de facer, pois a masa prepárase o día anterior.
Ingredientes:
Para facer unhas 15 unidades
4 dl de muesli HJÄLTEROLL con bagas secas
25 g de fermento
3 dl de auga fría
1 dl de fariña de centeo
8 dl de fariña de millo
1 dl de leite a escoller*
2 dl de iogur natural *
1 cullerada de mel ou azucre *
2 culleradas de aceite a escoller
2 culleradiñas de sal
Servir con:
Muesli
Flocos de sal
Pasos:
Día 1
- Esmigallar e disolver o fermento en auga fría nun cunco.
- Verter todos os ingredientes e remover docemente ata que se converta nunha masa pegañenta e, a continuación, esparexer un pouco de fariña.
- Envolver ou cubrir o cunco cun pano de cociña e refrixerar toda a noite (ou polo menos durante 10 horas).
Día 2
- Pór o forno a 250 ºC (482 F), sen aire forzado, e colocar unha bandexa de forno profunda no fondo.
- Quitar o cunco da neveira e deixar a temperatura ambiente durante 10 minutos antes de verter a masa nunha superficie enfariñada.
- Dividir a masa pegañenta nunhas 15 porcións e darlles forma de bóla. Colocar en papel de forno, fermentar embaixo dun pano de cociña durante 10 minutos. Esparexer muesli e algúns flocos de sal.
- Meter a bandexa no forno mentres se engade 1 dl de auga na bandexa do fondo. Cando salga vapor, cerrar rapidamente a porta.
- Cociñar durante uns 20 minutos ata que as bólas teñan unha cor apetitosa.
* Tamén pode facerse para veganos