Albóndegas de polo picantes con ensalada de cogombro
Dálle un xiro cheo de sabor á cea desta noite con estas albóndegas de polo coreanas. A combinación dunha refrescante ensalada de cogombro coa salsa picante gochujang dá como resultado unha comida deliciosa.
Porcións: catro | Tempo: 25 minutos
Ingredientes:
Albóndegas de polo coreanas
360 g de albóndegas de polo HUVUDROLL (aproximadamente 24 unidades)
Catro porcións de arroz fervido (opcional)
Verduras crocantes como cenorias, ceboliños e ravos
40 g de follas de espinaca
Sementes de sésamo torradas
Coandro
Ensalada de cogombro
1/2 cogombro
Catro culleradas de vinagre de arroz
Unha culleradiña de azucre
1/2 culleradiña de sal
1/2 chile picado ou 1 g de flocos de chile
Salsa gochujang
1 dl de pasta miso
1 dl de pasta gochujang
Catro culleradas de auga
Dúas culleradas de mel
Dúas culleradiñas de aceite de sésamo
Unha culleradiña de vinagre de arroz
Paso a paso:
- Corta o cogombro en rodas finas cun relador ou unha mandolina, e mestúrao co resto dos ingredientes para faceres a ensalada de cogombro.
- Remove todos os ingredientes da salsa gochujang. Para que a salsa sexa menos espesa, engádelle un pouco de auga extra á salsa.
- Corta as verduras en láminas ou bastóns finos.
- Prepara as albóndegas de polo HUVUDROLL seguindo as instrucións do envase.
- Coloca o arroz, as albóndegas de polo, a ensalada de cogombro, as verduras e a salsa gochujang nun cunco e engádelle as sementes de sésamo torradas e o coandro.
