Unha cociña pequena, elegante e de liñas depuradas que equilibra funcionalidade e estilo

Perfectas para os retos do día a día, as frontes de cociña KALLARP en cor verde agrisada escura de alto brillo teñen un deseño ultramoderno. As elegantes liñas rectas achegan un toque moderno e actual para crear un espazo acolledor no que cociñar, xogar e socializar. As portas poden montarse para abrirse á dereita ou á esquerda e así adaptarse aos recunchos máis estreitos.

E cos mesados EKBACKEN en laminado negro, a túa illa de cociña convértese no bonito centro de actividade da cociña que sempre quixeches. As frontes KALLARP teñen unha superficie duradeira de alto brillo que facilita a súa limpeza. Basta con pasar un pano para limpar os líquidos derramados ou quitar esas pegadas pegañentas dos máis pequenos.

Unha cociña METOD organizada empeza polos caixóns. Estes caixóns KNIVSHULT combinan almacenaxe organizada con acceso sinxelo para que atopes axiña o que buscas. A cor escura dos caixóns KNIVSHULT é a mesma que a do armario e dálles un aspecto elegante, coa posibilidade de engadir unha ferraxe de apertura a presión. Escólleas segundo o tamaño dos teus caixóns para poder optimizar a almacenaxe ao tempo que mantés a elegancia.

Combinados cos nosos organizadores e soportes para pratos UPPDATERA, poderás clasificar ben os utensilios e protexer a vaixela de rabuñaduras e roturas dos cantos para que siga impecable durante anos. Os utensilios e a vaixela manteranse intactos e organizados mentres cociñas, recibes visitas e te divirtes.

Cada membro da familia ten necesidades distintas. Nunha elegante combinación, o forno de aire forzado SPJUTBO e o microondas LAGAN integrado responden a todas como auténticos superheroes da cociña.

O impecable forno SPJUTBO permíteche aforrar tempo cando tes que cociñar para moitas persoas, xa que distribúe a calor de xeito uniforme e rápido para que poidas cociñar varios pratos á vez e levalos do forno á mesa.

Compleméntase co microondas LAGAN, a solución perfecta á hora de preparar un chocolate quentiño, requecer sobras ou desconxelar alimentos. Este dúo tan dinámico, en negro atemporal e elegante, non te defraudará.