Un dormitorio, dous estilos completamente diferentes

Malia ter o mesmo espazo e os mesmos mobles, estes dous dormitorios non se parecen en nada. Bótalle unha ollada a estes dormitorios de estudantes e saca ideas para darlle un toque moderno ao teu. Verás o ben que queda o escritorio KALLAX con calquera dos estilos. Para personalizar o teu, abonda con darlle un toque de cor e engadir organizadores, unha boa iluminación e accesorios para o escritorio.

Dúas portas abertas deixan entrever dous dormitorios amoblados con estantes KALLAX, un cun estilo máis fantasioso e outro máis atrevido.

O mellor aliado no dormitorio de calquera estudante

Xa sexa en vertical, en horizontal, pegados á parede ou como separadores de ambientes, os estantes KALLAX son moi versátiles e ideais para persoas que teñan un orzamento axustado e precisen amoblar un cuarto pequeno. Ademais, adáptanse a calquera estilo, tanto se é un máis atrevido onde predomine o negro ou outro máis fantasioso repleto de tons pastel. Para completar o conxunto, engade un escritorio KALLAX e unha cadeira.

Un pequeno espazo de traballo composto por varios estantes KALLAX en negro-marrón, un escritorio KALLAX e unha cadeira xiratoria SMÄLLEN en negro.

Un pequeno espazo de traballo doméstico no recuncho dun cuarto cunha cadeira xiratoria LOBERGET/MALSKÄR en branco a carón dun escritorio branco.

Un escritorio ordenado transmite paz e tranquilidade

Nun espazo de traballo pequeno, cada centímetro conta. Con caixóns, caixas e accesorios que combinan co resto do cuarto, conseguirás ter o teu escritorio ordenado. Dámosche moitas opcións entre as que elixir. Garda papeis e outros artigos nunha solución de almacenaxe pechada e deixa á vista as cousas que máis che gustan, xa sexa enriba da mesa ou en andeis abertos.

Velaquí todas as solucións de almacenaxe e os organizadores pequenos

Un accesorio con dous caixóns KALLAX en negro-marrón nun escritorio e unha cadeira xiratoria negra no recuncho dun pequeno espazo de traballo doméstico.

Un escritorio KALLAX en branco con arquivadores DRÖNJÖNS e KUGGIS, unha lámpada de escritorio beixe e unha cadeira xiratoria LOBERGET/MALSKÄR en branco.

Velaquí todas as solucións de almacenaxe e os organizadores pequenos

Aproveita ao máximo o teu escritorio e estantes KALLAX

Queres mellorar a funcionalidade e o estilo do teu espazo de traballo? Personaliza o teu escritorio e estantes KALLAX con caixóns, caixas e accesorios con acabados e cores diferentes que encaixan á perfección.

Saltar a listaxe

Caixa de almacenamento de tecido rosa, forma cadrada, deseñada para estantes, elegante e funcional.

Un pouco de música e unha boa luz axudaranche a concentrarte

Temos todo o que precisas para crear un sitio perfecto para estudar: desde soportes para tabletas ata lámpadas de escritorio de todos os estilos. Se queres ter ordenado o escritorio e aforrar espazo, opta polos taboleiros perforados SKÅDIS cos diferentes accesorios de almacenaxe que ofrecemos (e que podes colocar como queiras).

Unha lámpada de escritorio FLOTTILJ beixe acesa e un teléfono móbil enriba dun cargador sen fíos branco, todo sobre un escritorio branco situado a carón dunha cama.

Un soporte para teléfono móbil HÖNSNÄT cun teléfono posto en horizontal e varios lapis de cores.

Primeiro plano de seis recipientes SKÅDIS transparentes con tapas negras, montados nun taboleiro perforado e con varias cousas dentro.

Unha lámpada de traballo SVALLET en branco e gris escuro enriba dun escritorio e un taboleiro perforado cun recipiente con tapa na parede de detrás. A lámpada está acesa.

Unha tableta colocada en horizontal sobre un soporte para tableta VIVALLA de chapa de bambú situado enriba dun escritorio que se atopa xunto á parede, por debaixo dun taboleiro perforado.

Define o teu estilo con andeis negros e motivos gráficos...

Coa axuda de KALLAX, poderás tirarlle o máximo partido ao teu dormitorio. Só tes que combinar uns estantes e un escritorio que se integren á perfección no teu espazo de traballo e sirvan como separador de ambientes. Así, daraslle tamén un toque atractivo e gráfico ao cuarto. O resultado? Un espazo recollido e acolledor cunha zona de estudo, outra para durmir e moito sitio para gardar cousas.

Velaquí todos os estantes KALLAX

Un dormitorio pequeno cun estante KALLAX grande en negro-marrón con accesorios e caixas a carón da cabeceira dunha cama.

Velaquí todos os estantes KALLAX

Ou vive no teu propio universo en tons pastel

Se o cuarto é moi pequeno, o máis recomendable é elixir mobles da mesma cor e estilo para achegar paz e harmonía ao espazo. Poderás amosar a túa personalidade a través das fundas dos coxíns, a roupa de cama e os teus obxectos favoritos, que podes poñer á vista de todo o mundo. Os estantes situados por riba da cama convértense nunha prolongación do teu espazo de traballo e serven para gardar libros e documentos importantes. Fixácheste no estante KALLAX que hai a carón da ventá? Serve como mesa de noite, soporte para plantas e solución de almacenaxe, todo en un.

Velaquí a serie KALLAX