Un recibidor tradicional para pais, fillos e avós

O espazo de almacenaxe é abundante, para que cada cousa teña o seu lugar e sexa doada de atopar. Os mobles reforzan o estilo tradicional, ao tempo que as portas corredizas do armario presentan un clásico deseño de panel. Pecha o armario e os mobles de caixóns para agochar os contidos e crear un recibidor onde a orde e a tranquilidade sexan a norma.

Para facilitar as cousas neste recibidor, os colgadoiros para sombreiros e as cestas, colocados á altura dos máis cativos, combínanse cun asento cómodo onde poñer os zapatos. Os materiais naturais e as formas orgánicas das cestas e as pantallas das lámpadas suavizan o aspecto e crean un ambiente máis cálido e acolledor.

Hai tarefas, como buscar os zapatos, que son máis doadas cunha boa iluminación. Esta, ademais, é intelixente, de xeito que podes controlala cun mando a distancia ou dende o móbil. Esta elegante lámpada de traballo complementa o estilo clásico do recibidor, ao tempo que as luces e sombras que proxecta a lámpada de teito de ratán crean unha atmosfera cálida e acolledora.