Ideas para decorar o recibidor que deixan pegada

Asegúrate de que o teu recibidor sexa digno de lembrar e tan acolledor que acapare todas as conversas dos teus invitados nada máis entren pola porta. Define o espazo e o ambiente cunha peza central sorprendente, como este separador de ambientes TOLKNING de ratán, apoiado na parede, que achega cor, forma e textura.

Engade unha mesa auxiliar rechamante e decóraa cunha lámpada, varias candeas LED pequenas e un floreiro con follas elegantes para creares un estilo personalizado que irradia calidez e establece as pautas do resto da casa. Pero ten coidado! Os teus invitados estarán tan cómodos nesta parte da casa que seica terás que empuxalos para que pasen.

Ter un espello xunto á porta permíteche botar unha última ollada antes de saíres. Se o teu recibidor é pequeno, os nosos espellos LINDBYN están dispoñibles en diferentes anchos, incluído un máis estreito para aproveitar ao máximo eses recunchos case esquecidos. As cousas pequenas do día a día (que se perden facilmente) tamén atoparán un lugar seguro xunto á porta de entrada nunha caixiña, como o modelo LURPASSA de xunco mariño con tapa. Daralle un toque natural ao recibidor e permitirache gardar as cousas ordenadas e fóra da vista para que non se perdan nin rompan a harmonía do espazo.