Como alongar a vida útil dos teus mobles de comedor

As túas mesas e cadeiras sofren unha presión constante, dende derramos e manchas ata o desgaste diario. E coidar dos distintos materiais pode ser unha molestia. Suxerímosche formas de simplificar as cousas para alongar a vida útil dos teus mobles de comedor de modo que sigan sendo elegantes e funcionais durante anos.

Composición de gardamanteis HEAT de cortiza, un coxín para cadeira ÄLVGRÄSMAL en beixe e unha cadeira TONSTAD cunha funda de Fridtuna en cor beixe clara.

Utiliza manteis individuais para protexer as superficies de nenos (e adultos) falcatrueiros.

Protexer a mesa é fundamental á hora de dar de comer aos teus fillos. E xa sabes o que esas maniñas son capaces de facer, así que un mantel individual non está de máis. Temos manteis individuais divertidos e prácticos feitos de silicona resistente, cun gracioso deseño coa cara e as orellas dun gato. Son fáciles de limpar, aclarar ou lavar no lavalouzas. Nunca se sabe: talvez os teus fillos estean tan entretidos co mantel de gato que non lles dea tempo de facer ningunha falcatruada. Oxalá!

Velaquí todos os manteis individuais e pousavasos

Unha mesa LISABO negra preparada para unha comida con pratos e cuncas FÄRGKLAR, un mantel individual GULDVÄVARE en cor rosa clara e outros manteis individuais.

Velaquí todos os manteis individuais e pousavasos

Para que as potas quentes non estraguen as superficies, gardamanteis resistentes á calor

Di adeus a esas queimaduras e marcas tan feas nas mesas e os mesados da cociña. Podes protexer as mesas, os manteis e as superficies das marcas de calor cos nosos gardamanteis feitos de cortiza natural. Esa pota é demasiado grande para un gardamanteis? Non pasa nada: basta con poñer tres xuntos. Segue sen caber a pota? Pois pon outro xogo. Non existe unha pota para a que non teñamos suficientes gardamanteis.

Unha mesa cun gardamanteis de cortiza e unha tixola KAVALKAD en negro que contén coles de Bruxelas e albóndegas de proteína vexetal HUVUDROLL.

Protexe os teus mobles dos dentes e as garras das túas mascotas

Os gatos son da familia e tamén quere deixar a súa pegada no teu fogar. Pero, ás veces, os resultados poden ser lamentables. As nosas rascadoiras de xute, sisal e algodón transformarán rapidamente a pata da mesa nun ximnasio doméstico que o teu gato poderá rascar e onde poderá estirarse e afiar as unllas. Grazas ás tiras cosidas, é moi sinxelo suxeitar a rascadoira á pata da mesa, e mesmo lle dá un toque de elegancia. Ti tes menos estragos e o teu gato, as unllas máis afiadas. Todos contentos. Excepto os ratos, claro.

Velaquí todos os produtos para mascotas

Un gato afiando as unllas nunha rascadoira UTSÅDD de materiais naturais enrolada na pata dunha mesa cunha cadeira ao lado.

Velaquí todos os produtos para mascotas

Apertar parafusos e bulóns para evitar que unha cadeira cambalee

Hai algo máis irritante que unha cadeira que cambalea? Ademais de bo prezo, estas cadeiras fornecen estilo, versatilidade e calidade duradeira cun deseño sinxelo que evita que se cambaleen. Son cómodas, lixeiras e poden amorearse facilmente para aforrar espazo. Sempre podes comprar pezas de reposto se as precisas, en paquetes planos que tampouco cambalean. E coas emblemáticas e prácticas ferramentas de IKEA á túa disposición, podes apertalas para que nada trema en toda a zona de comedor. Polo menos a parte de IKEA.

Velaquí todas as ferramentas e os accesorios

Unha persoa utilizando unha ferramenta manual para apertar un parafuso dunha cadeira VIHALS branca.

Velaquí todas as ferramentas e os accesorios

Alterna a posición das cadeiras para que non destingan, se desgasten... nin te canses delas

Decotío, as cadeiras de comedor utilízanse de forma irregular nos fogares nos que hai máis cadeiras que integrantes da familia. É normal: todos temos os nosos lugares favoritos para sentar. Fornecemos cadeiras con fundas de resistente tecido de algodón e poliéster, pero podes conseguir que duren aínda máis tempo alternando as cadeiras arredor da mesa para que o desgaste se distribúa de xeito máis uniforme. As cadeiras tamén son integrantes da familia, e seguro que che agradecerán o cambio. Ao alternar as cadeiras, tamén evitarás que as fundas perdan cor por recibir a luz directa do sol. Polo menos, farás que o perdan de xeito uniforme, e así semellará que forman parte integral do fogar. Coma ti.

Velaquí todas as cadeiras de comedor

Unha mesa TONSTAD en chapa de carballo con vasos STORSINT enriba rodeada de cadeiras TONSTAD con efecto carballo.

Velaquí todas as cadeiras de comedor

Coxíns para cadeira con fundas extraíbles e lavables

Un coxín pode achegar moita comodidade. Os nosos coxíns para cadeiras combinan á perfección coa maioría das cadeiras de comedor de estilo moderno, e están dispoñibles en distintas cores para que escollas a que máis che guste. O coxín para cadeira fornece comodidade e achega un toque sinxelo e moderno. Os puntos antiescorregante da parte inferior evitan que o coxín se mova. A funda pódese quitar e lavar, polo que é moi fácil de limpar. Fai que sexa un pracer sentar en calquera cadeira.