Como preparar o primeiro cuarto dun neno ou nena para que lles guste tanto a eles como aos pais.

Elabora unha listaxe con todas as cousas e actividades que hai que ter en conta. No caso dun cuarto infantil, a listaxe podería incluír os seguintes puntos:

• Durmir: baixa para ver consellos para mellorar a seguridade e a comodidade da cama, tanto polo día como pola noite.

• Almacenaxe: as solucións de almacenaxe para xoguetes deben estar feitas á medida dos nenos e nenas. Por outra banda, as solucións de almacenaxe para roupa teñen que adaptarse á medida que van medrando.

• Xogar: os nenos e nenas adoitan xogar, principalmente, no chan, polo que podes poñer os xoguetes ao seu alcance e preparar o chan para que sexa o máis cómodo posible.

• Iluminación: a luz debe ser regulable para adaptala ás distintas actividades.

• Seguridade: a seguridade é o máis importante.

Nun cuarto, a luz é tan importante como os mobles. Acender ou apagar a lámpada de teito é só o principio. Ao longo do día, son moitas as actividades que se realizan no cuarto, como xogar, ler, relaxarse ou durmir, e cada unha precisa un ambiente diferente. Por iso tes que asegurarte de usar solucións de iluminación de varios tipos, dende lámpadas de teito ata lámpadas de parede ou de mesa.

A fiestra é outro punto de luz que cómpre ter en conta, xa que podes regular a intensidade aínda que non sexa posible acender ou apagar o sol. Cunhas cortinas, deixarás que entre a luz do sol. Usa cortinas semiopacas para conseguir una luz máis tenue. Para durmir pola noite ou botar unha soneca durante o día, o mellor son uns estores opacos.

Despois de xogar todo o día, chega a hora de dar as boas noites tanto aos peluches como ao dormitorio. Dende ese momento, só a lámpada ficará acesa.

Os módulos de almacenaxe TROFAST son todo un clásico; de feito, algunhas destas solucións levan xa tempo entre nós. O motivo do seu éxito non é ningún misterio: é un sistema tan sinxelo que ata os máis pequenos poderán organizar as súas cousas sen problemas, e é tan versátil que nunca quererán desfacerse del.

Este módulo ten unha altura ideal para nenos e nenas, que poden utilizar a superficie de enriba para xogar. As caixas son robustas, lixeiras e doadas de sacar, o que lles permite levalas a calquera parte do cuarto. Cun pouco de sorte, pode que mesmo acaben no seu sitio cando teñan todo recollido. Como hai caixas de varias cores, será máis doado organizarse.

Por último, cando os pequerrechos medren, é posible substituír as caixas de plástico por outras de reixa se lles gustan máis. Poderás usar esas caixas de plástico para gardar outras cousas onde queiras; só terás que poñerlles as tapas e xa poderás amorealas.

Aos máis pequenos non lles gusta xogar sós, de modo que podes facer algo para que poidan levar con facilidade os seus xoguetes favoritos a outro cuarto. O carriño UPPSTÅ é ideal para pasear os peluches ou os xoguetes, e un gran apoio para os pequenos condutores. Cando chegue a hora de recoller todos os xoguetes, os nenos e nenas poderán levar todas as súas amizades de volta ao cuarto co carriño UPPSTÅ.