Un cuarto de manualidades inspirador para nenos

Non podemos prometer que as manualidades non traian consigo certo caos. Pero podemos axudarche a xestionalo. Por sorte, é neses intres nos que destaca o noso sistema de almacenaxe TROFAST. As bandexas e caixas de diferentes tamaños e cores divertidas axúdanche a crear unha solución vistosa onde gardar o material artístico ben organizado.

Pon un taboleiro perforado SKÅDIS na parede e crea unha galería de arte ao instante. Personalízao con pinzas para pendurar os debuxos rematados e engade unha parede de encerado detrás para multiplicar as posibilidades creativas. Ademais, o taboleiro é tan versátil que se pode ir adaptando segundo cambias as necesidades no futuro.

Unha zona para durmir ordenada e tranquila é o antídoto perfecto para un atarefado día de manualidades. Rodea a cama de cores e materiais cálidos e suaves, como a madeira de piñeiro, e inclúe moitos téxtiles suaves para que ao teu fillo lle custe menos pasar ao modo de descanso. Coa cortina pechada, convértese nun espazo sen distraccións onde o único propósito é durmir.