Un cuarto de estudo infantil con espazo para a diversión, o confort e mesmo os deberes

A aprender! O teu fillo irá descubrindo a súa propia forma de estudar segundo se vaia afacendo á nova rutina escolar e aos deberes. Asegúrate de que a zona para estudar e para dedicarse aos seus hobbies sexa cómoda e adaptable para que poida moverse facilmente cando o precise. Unha alfombra detrás do escritorio tamén pode ser un espazo estupendo para despexarse cando precise levantarse e moverse un chisco.

Maximiza o espazo gardando os libros, os accesorios de estudo, os artigos de papelaría e mesmo un altofalante Bluetooth NATTBAD en andeis de parede aos que poida acceder facilmente. Respecto ao escritorio, pono lonxe da cama para axudarlle a concentrarse. Este escritorio SMYGA, nun relaxante gris, encaixa con moitos estilos diferentes: segundo cambien os seus gustos, podedes modificar os accesorios.

Combinar mobles da mesma serie ou cun aspecto e cores similares crea un estilo relaxado e sinxelo. Xuntos, o armario SUNDVIK e o escritorio SMYGA axudan a sacarlle o máximo partido a un espazo pequeno e xeran unha sensación de orde e calma.

O armario conta cun interior amplo e flexible para que poidas organizar a roupa en perchas e caixas. Por fóra, o bordo superior elevado permíteche gardar facilmente a roupa especial ou de tempada en caixas e cestas de forma segura. E, si, ten un superpoder! As súas dimensións permiten usar perchas grandes, polo que poderá seguir usándoo co paso do tempo.

Usa esta robusta cama SMYGA de piñeiro como base do paraíso de descanso do teu fillo ou filla. O seu acabado en madeira, coas características naturais deste material e o seu aspecto tradicional, danlle un aspecto único que se suma ao ambiente agradable que se respira no cuarto.

Non hai que saír correndo do cuarto para buscar os xoguetes, a roupa de cama de reposto ou mesmo pezas de tempada, xa que esta cama conta cun espazo de almacenaxe secreto en forma de caixóns xusto debaixo, onde se pode esconder todo. No que respecta á roupa de cama, os tons suaves encaixan perfectamente con moitos estilos distintos, en sintonía cos gustos do teu cativo, aínda que vaian cambiando. Engade unha lámpada FUBBLA para que teña a luz axeitada para ler pola noite antes de durmir.

Inclúe unha zona de xogo e relax no cuarto do teu fillo con esta divertida alfombra, que tamén serve para xogar á mariola. A superficie brandila convértea nun espazo comodísimo para sentar a xogar ou para facer actividades máis relaxadas no chan. Ademais, cando cómpre unha pausa, sobre todo durante as sesións de estudo, é un xeito estupendo de inxectar enerxía, xa que permite que os nenos se movan un pouco.