Paso a paso: refrescante renovación de dormitorio

Hai algo máis delicioso que a promesa dun novo comezo? Entra neste sinxelo dormitorio con sabor a fogar e observa como pasou de ser un espazo branco baleiro a un confortable reino do relax. Se vés de te mudar ou resulta que che apetece darlle unha volta ás cousas, mira como podes refacer o dormitorio en sete sinxelos pasos.

Cama tapizada IDANÄS gris escuro cunha cortina branca e un armario branco detrás e unha lámpada de teito branca enriba.

O lenzo en branco

Unha capa de pintura pode facer marabillas, pero este cuarto demostra que traballar coa cor que xa estaba tamén pode dar moi bo resultado (e así poderás aforrar uns cartiños tamén). Pensa ben na sensación que queres que desprenda o teu dormitorio. Conservar as paredes brancas deste dormitorio dá a sensación de maior luz e espazo: un soleado santuario onde podes espertar sentíndote renovado, ou acubillarte para un descanso vespertino co teu libro favorito.

Dormitorio baleiro con paredes con paneis de madeira en branco, chan de madeira clara e unha foto dunha flor na parede.

Alguén dixo almacenaxe?

Se o teu dormitorio non ten armarios integrados, nunca é demasiado cedo para empezar a pensar na almacenaxe. Neste dormitorio atoparás dous armarios independentes: un aberto, o outro pechado con portas pregables que aproveitan o espazo. A cor encaixa coa das paredes e os seus detalles tradicionais aumentan a sensación de retiro rural que ten este dormitorio.

Velaquí todos os armarios

Armario IDANÄS branco cun cesto enriba ao lado dun armario aberto IDANÄS branco, ambos con roupa.

Velaquí todos os armarios

Despois, unha suave separación

As cortinas son moito máis versátiles do que cremos: ademais de vestir as ventás, poden usarse para engadir un pouco de privacidade ou mesmo facer zonas ou cuartos dentro dos cuartos. Neste dormitorio fan as dúas cousas: separan a zona de armario do resto da estancia para crear unha zona de roupeiro agochada, ao tempo que dan un toque de calma e suavidade ao espazo.

Velaquí todas as cortinas

Armario aberto IDANÄS branco ao lado dun armario IDANÄS branco cunha cortina DYTÅG colgando diante deles.

Velaquí todas as cortinas

Luz suave por riba, texturas cálidas por baixo

Iso do exceso de texturas non existe. Unha alfombra de la tecida á man engade un toque extra de suavidade, igual que pantalla téxtil da lámpada de teito. Pendurada a baixa altura e cara a un lado, non só chama a atención, senón que engade un toque acolledor.

Velaquí todas as lámpadas de teito

Dous armarios IDANÄS brancos cunha lámpada de teito REGNSKUR/SUNNEBY e unha cortina DYTÅG colgando diante deles.

Velaquí todas as lámpadas de teito

A clave de bóveda de calquera dormitorio

E velaí o moble máis importante no que investir se falamos de durmir ben. Baixo a fiestra? Arrimadiña a un recanto? Atopar o sitio perfecto para a túa cama depende de ti, así que colle o tempo que precisares para decidir que vai funcionar mellor para ti e o espazo do que dispós. Neste cuarto máis pequeno, a cama tapizada está colocada nunha posición pouco habitual: flotando no medio do cuarto. Sitúa o confort no centro, literalmente, pero tamén deixa sitio para a zona de armario de detrás. Di ola á túa illa privada de gloriosa relaxación e descanso.

Velaquí todas as camas tapizadas

Dormitorio branco con cama tapizada IDANÄS sen roupa de cama, diante de dous armarios IDANÄS brancos e unha cortina.

Velaquí todas as camas tapizadas

Vestir a cama para unha deliciosa noite sen saír

Unha roupa de cama fresca sempre é unha excelente elección, pero nun cuarto con tanto branco, este nostálxico estampado en gris e branco dálle un toque diferente. Pero escoller a roupa de cama non é só estampados e cores: o confort tamén é crucial! Tanto se prefires durmir fresco ou quentiño, boca arriba, boca abaixo ou de lado, hai un edredón e unha almofada perfectos para ti!

Velaquí toda a roupa de cama

Cama tapizada IDANÄS en gris escuro cuberta con roupa de cama ÄNGSKLOCKA diante dunha cortina branca e dous armarios.

Velaquí toda a roupa de cama

O tipo perfecto de mesa de noite

Tanto se é o lugar onde tes os sete libros que estás a ler de xeito simultáneo ou o lugar onde ter un vaso de auga para beber pola noite, unha mesa de noite sempre é necesaria. Pero que pasa se temos pouco espazo? A lixeira mesa bandexa usada aquí é fácil de mover cando queiras e onde queiras, igual que a lámpada de pé que hai xusto detrás.

Velaquí todas as mesas de noite

Cama tapizada IDANÄS cuberta de roupa de cama ÄNGSKLOCKA, cunha mesa de noite, diante dunha cortina DYTÅG branca.

Velaquí todas as mesas de noite

Bo día e boa noite!

E velaí! O dormitorio xa está listo para recibirte para elixires a roupa pola mañá, relaxáreste pola tarde, ler á tardiña ou soñar pola noite. Fai o que queiras, despois de todo é o teu dormitorio.

Cama tapizada IDANÄS gris cuberta con roupa de cama ÄNGSKLOCKA diante dunha cortina branca e dous armarios.