Saltar
GL ESgalego

Elixe unha almofada que vaia ben coa túa cabeza (e co resto do corpo)

Por fin vas gozar dun sono profundo. Unha boa noite de descanso é a mellor forma de empezar o día, e contar coa almofada ideal pode ser un punto de inflexión. Pero que entendemos por "comodidade" cando falamos dunha almofada? Sigue lendo para descubrir como os diferentes materiais e alturas das almofadas poden facer que te sintas como nunha nube.

Vista superior de cinco persoas durmindo en colchóns diferentes, cada unha delas con roupa de cama de cores distintas.

Materiais naturais ao detalle

As almofadas feitas con materiais naturais poden estar recheas de penuxe e plumas, que se poden mesturar para crear diferentes efectos. Canto máis penuxe, máis suave, branda e lixeira será a sensación. Porén, cantas máis plumas, máis firme e pesada será a almofada. Todas as almofadas recheas con materiais naturais absorben a humidade e favorecen a circulación do aire, polo que crean un entorno de descanso seco e transpirable. Pódense lavar con facilidade na lavadora a 60 ºC, a temperatura á que se eliminan os ácaros.

Dúas almofadas sen funda, unha enriba da outra, sobre unha cama, á beira dun edredón ao descuberto e outra almofada con funda.
Unha animación na que se ve unha man premendo unha almofada rechea de materiais naturais.

Todo o que debes saber sobre as almofadas de poliéster

As nosas almofadas de poliéster están recheas de poliéster reciclado. Son maleables e brandas, recuperan rapidamente a forma e ofrecen un gran apoio para a cabeza. Tamén teñen un bo illamento para crear un entorno de descanso acolledor e, como son hipoalerxénicas, son a solución ideal para as persoas alérxicas. O seu mantemento tamén é moi sinxelo, xa que se poden lavar na lavadora.

Unha animación na que se ve unha man premendo unha almofada rechea de poliéster.
Dúas almofadas altas SKOGSFRÄKEN sen funda amoreadas enriba dun edredón branco na cama dun dormitorio moderno.

Estreita lazos coa escuma viscoelástica

Todas as nosas almofadas ergonómicas teñen un recheo de escuma viscoelástica. Como responden á temperatura corporal e á complexión física, moldéanse de acordo coa forma da cabeza e do pescozo, o que axuda a que os músculos se relaxen. O resultado? Moveraste menos. Ademais, ao teren unha capa de ventilación, o aire circula mentres dormes. Todas as fundas poden meterse na lavadora, mentres que a escuma viscoelástica do interior só ten que airearse para manterse fresca.

Unha man sobre unha escuma viscoelástica onde se ve unha pegada despois de premela.
Unha almofada ergonómica KVARNVEN sen funda enriba dun edredón suavemente ondulado.

Atopa a almofada perfecta segundo como durmas

Cal é a túa postura para durmir? Non importa cal sexa a túa postura: a cabeza, o pescozo e a columna deben seguir unha liña recta para gozar da máxima comodidade e protexer a columna. Por iso é tan importante a altura da almofada. As diferentes alturas permiten ter unha aliñación correcta en distintas posturas. Explicámoscho:

  • Persoas que dormen de lado ou cara arriba
    Se dormes de lado ou cara arriba, a cabeza ten que estar máis alta para acomodar os ombros ou ter a aliñación correcta coas costas. Nestes casos, vén moi ben unha almofada alta.
  • Persoas que dormen cara abaixo
    Como durmir cara abaixo pode exercer presión no pescozo e nas costas, non recomendamos unha almofada alta. Elixe unha máis baixa para que o pescozo estea nunha boa posición.

Todas as nosas almofadas están dispoñibles en distintas alturas e con diferentes recheos para que elixas a que mellor se adapta á túa posición. Bota unha ollada aos símbolos que aparecen xunto ás descricións das almofadas para saber para que postura se recomenda. A túa cabeza agradeceracho (e o resto do corpo, tamén).

Unha animación dunha persoa durmindo coa cabeza nunha almofada GULKAVLE.
Unha persoa durmindo de lado coa cabeza sobre unha almofada alta SKOGSFRÄKEN sen funda.
Unha persoa durmindo cara abaixo coa cabeza sobre unha almofada SKOGSFRÄKEN sen funda.
Imaxe animada na que se ven os tres símbolos das distintas posicións de descanso.
Unha almofada baixa SKOGSFRÄKEN amoreada entre unha almofada alta SKOGSFRÄKEN e un edredón FJÄLLARNIKA dobrado sen funda.
“A almofada é esencial para descansar ben pola noite, polo que elixir o recheo axeitado garantirá a maior comodidade. As nosas almofadas conteñen escuma viscoelástica, poliéster e recheos naturais. Os recheos naturais, de penuxe e plumas, son duradeiros e de alta calidade, e ofrecen excelentes propiedades de absorción da humidade. Os recheos de poliéster, transpirables e de fácil mantemento, son unha boa opción para as persoas alérxicas. A escuma viscoelástica ofrece soporte para o pescozo e a cabeza, e as súas fundas poden lavarse facilmente.”
Tor OttossonEnxeñeiro de desenvolvemento de produtos
Tres pequenas moreas de recheos de almofada de poliéster, plumas e penuxe, e escuma viscoelástica triturada en paralelo, sobre un andel branco.

Coida a túa almofada e ela coidará de ti

As nosas almofadas están deseñadas seguindo altos estándares de calidade para que sexan duradeiras e de fácil mantemento. Só hai que adondalas un pouco a diario para que manteñan a forma noite tras noite. Ademais, recomendamos engadirlles un protector de almofada, que contribuirá a que estean como novas durante máis tempo.

Todas as almofadas de penuxe, plumas e poliéster poden lavarse na lavadora a 60 °C, a temperatura á que se eliminan os ácaros. Aínda que o recheo de escuma viscoelástica das almofadas ergonómicas non se pode lavar, todas as fundas poden meterse na lavadora. Respecto ao recheo, só tes que airealo.

Unha persoa cun pixama de raias azuis de pé cos ollos pechados e abrazando tres almofadas SKOGSFRÄKEN brancas.

Unha cama TONSTAD de chapa de carballo pintada de marrón cunha saba en cor beixe agrisada e un edredón vestido con roupa de cama MYGGLASVINGE.
Unha persoa poñendo un protector de almofada ROSENVIAL nunha almofada GULKAVLE que hai sobre unha cama vestida con roupa de cama BROKDRACENA.

Cóntanos a túa experiencia!