Como planificar unha solución de portas corredizas SKYTTA á túa medida

SKYTTA é un sistema personalizable que ofrece multitude de opcións para crear solucións adaptadas ao teu estilo e as túas necesidades. Debido ás particularidades de cada espazo, en ocasións, a instalación pode resultar un pouco complexa. A preparación é fundamental, pero non te preocupes. Na nosa guía de oito pasos, explicámosche todo o que debes ter en conta antes de utilizar o planificador SKYTTA, unha ferramenta fantástica e moi útil á hora de adquirir unha solución deste tipo. Ti podes!

Unha solución de porta corrediza SKYTTA nun dormitorio moi luminoso. As portas están entreabertas, e dentro hai roupa e varias solucións de almacenaxe.

1. Mide. Mide de novo. E mide unha vez máis.

Consello: Canto máis tempo dediques a medir, máis doado será o resto do proceso.

Mide a anchura e a altura do sitio onde queres colocar a solución. Mide a altura polo menos en tres puntos, xa que o chan ou o teito poderían presentar algunha irregularidade.

Vas gardar algo detrás das portas? Mide a profundidade do que queiras gardar e adapta a solución.

Unha solución de portas corredizas SKYTTA altas; as portas están parcialmente abertas e dividen un cuarto luminoso e sen amoblar, co chan de parqué cun padrón de espiga.

2. Elixe o deseño da porta e o tipo de guía.

Hai dispoñibles estruturas en dúas anchuras diferentes (77 e 102 cm) e dous tipos de guías (de dous e tres raís). En función da anchura total do espazo, tamén podes elixir entre diferentes deseños.

En función do deseño que elixas para a porta, poderás elixir entre unha guía de dous raís ou de tres. A solución de tres raís ofrece un ancho de apertura maior.

Paréceche complicado? Non te preocupes: o planificador SKYTA será a túa guía.

3. Elixe a cor da guía e da estrutura da porta.

As estruturas e as guías das portas SKYTTA están dispoñibles en negro, branco ou aluminio.

Elixe a cor que máis che guste.

Unha solución de portas corredizas SKYTTA con estrutura e guías de aluminio.

4. Elixe o deseño e a cor do panel.

E agora vén o máis divertido. Hai dispoñibles multitude de opcións en canto a cores, materiais e acabados para os paneis, e todos encaixan perfectamente coas estruturas para portas SKYTTA. Bótalles unha ollada ás diferentes opcións e elixe a que máis che guste no planificador SKYTTA.

Combínaas como queiras. Ten en conta que algúns paneis teñen unha cor ou un acabado distintos na parte posterior. Convén recordalo se a solución vai estar visible polos dous lados.

Unha solución de portas corredizas SKYTTA con estruturas baixas e paneis MEHAMN en gris escuro/beixe agrisado.

5. Elixe a altura da estrutura da porta.

Hai dispoñibles dúas alturas diferentes para a estrutura das portas SKYTTA (196 e 231 cm). Loxicamente, terás que elixir a altura axeitada segundo o teu espazo. O planificador SKYTTA recomendarache a mellor opción.

Unha solución de portas corredizas SKYTTA con estruturas baixas e paneis MEHAMN en efecto carballo pintado de branco/branco.

Unha solución de portas corredizas SKYTTA con estruturas altas e paneis MEHAMN en efecto carballo pintado de branco/branco.

6. Teño que instalar un redutor de altura de teito?

O teito é máis alto que a estrutura da porta? Un redutor de altura de teito SKYTTA axuda a tapar o oco. O planificador SKYTTA recomendarache engadilo se é preciso xunto cos paneis superiores de cor combinados, os cales terás que montar a ambos os dous lados do redutor de altura.

Canto oco hai?

Oco entre a solución e o teito: máximo de 55 mm
Utiliza espazadores para o teito.

Oco: 56-365 mm
Utiliza un redutor de altura do teito. Córtao co tamaño apropiado.

Oco: máis de 365 mm
Instala unha estrutura á medida entre o teito e a porta.

Paréceche complicado? Podes pedir axuda profesional.

Unha solución de portas corredizas SKYTTA cun redutor de altura de teito SKYTTA montado entre os marcos e o teito.

7. Fai falta instalar as barras de tope?

Aínda que as barras de tope SKYTTA son opcionais, sempre recomendamos a súa instalación. Ofrecen un bonito acabado para as portas corredizas e axudan a protexer as paredes.

Están dispoñibles en cor branca e en dúas anchuras diferentes para adaptarse ás dúas anchuras de guía existentes.

Hai varios xeitos de instalar as barras de tope, todo dependerá de se o espazo ten rodapés ou molduras de teito, ou ningún dos anteriores. Se ten rodapés ou molduras de teito, poden deixarse como están, retirarse ou cortarse xusto onde se van instalar as portas corredizas.

Bótalle unha ollada ao planificador SKYTTA para ver unha explicación detallada das diferentes opcións de instalación das barras de tope.

Primeiro plano da parte de abaixo dunha solución de portas corredizas SKYTTA cunhas barras de tope SKYTTA de cor branca na parede.

8. Ultima os preparativos no planificador SKYTTA.

Xa case estamos! Xa deberías ter unha idea aproximada de como se planifica unha solución SKYTTA e como se utiliza o planificador. Aquí é onde se toman as últimas decisións. Unha vez que remates, poderás engadir os produtos a unha listaxe da compra para adquirilos, tanto nunha tenda IKEA como por Internet.

Bótalle unha ollada á selección de preguntas máis frecuentes do planificador; é moi útil.

Felices compras!

Ir ao planificador

Unha persoa sorrindo sentada na mesa; a persoa ten a cabeza apoiada nunha man e observa unha tableta colocada enriba da mesa.

Ir ao planificador

Vas facelo ti ou prefires contar con axuda profesional?

Hai moitas irregularidades no chan ou no teito? Isto debe considerarse antes de instalar as portas.
Está o teito inclinado? Instala unha estrutura á medida entre o teito e a porta que forme un ángulo de 90° coa parede.
O teu espazo ten pouca altura? Todas as pezas (agás os paneis de vidro) poden cortarse á medida que precises.

En calquera caso, o máis recomendable é que pidas axuda profesional. Isto tamén sería o ideal se non sabes se o material da parede ou do teito pode soportar a carga, ou se descoñeces que materiais de fixación necesitas.

Vídeos de montaxe

A instalación será máis sinxela se te preparas con antelación e traballas conforme ás indicacións. Bótalle unha ollada a estes vídeos para ver os pasos clave.

No momento de realizar la instalación, atoparás as instrucións de montaxe xerais de SKYTTA na pequena caixa de accesorios. É moi pequena, así que tenta non perdela.