Como organizar de xeito intelixente o interior do teu armario PAX

As solucións de almacenaxe colgante son a base do teu armario. Axúdanche a ordenar os artigos máis voluminosos, como vestidos, blusas, chaquetas e abrigos, evitando que se engurren e facilitándote o acceso a eles.

Para saber canto espazo precisas para a almacenaxe colgante no interior do teu armario, mide a túa roupa na barra que teñas agora. Que tipo de pezas predominan no teu gardarroupa? Se se trata de blusas e chaquetas, podes pór dúas barras nun armario. Para a maioría das prendas máis longas, bastarache cunha sola barra enriba. Se tes case a mesma proporción de pezas longas e curtas, opta por unha soa barra e pon un separador para estrutura no espazo debaixo da roupa máis curta para ter máis opcións de almacenaxe.

Á hora de aproveitar ao máximo o interior do teu armario PAX, os andeis axustables fan marabillas. Ponos a diferentes alturas para personalizar o espazo e que caiba todo, dende grandes abrigos e bolsos ata camisetas de algodón e pixamas.

Dobrar a roupa e poñela en andeis é unha gran forma de tela á vista e de evitar que os xerseis e outras pezas se deformen.

Engadir caixóns de peche suave KOMPLEMENT ao teu armario multiplica as posibilidades de almacenaxe das prendas máis grandes que prefiras ter dobradas, como xerseis de punto, vaqueiros e camisetas. Se precisas aireas a roupa un pouco máis, interesaranche os nosos cestos de reixa. Achegan profundidade e textura ao conxunto xeral.

O resultado? Un estilo elegante e minimalista, moi útil se escolles un armario sen portas. Como toque final, podes engadir pomos e tiradores para os caixóns.

Saber onde están as túas prendas máis pequenas é moito máis doado se se gardan en recipientes manexables. Por iso, as caixas de feltro KOMPLEMENT son perfectas para organizar cousas como a roupa interior e os calcetíns. Como teñen as dimensións axeitadas para caber nos caixóns PAX, danche moitas oportunidades de aproveitar o espazo ao máximo de xeito creativo, xa que terás compartimentos claramente visibles para distintas cousas.

Dobra e distribúe os artigos nas caixas de diferentes formas (por cor, tamaño, tipo ou estampado), de xeito que todo pareza ordenado e que quitar calquera cousa non supoña un caos.

Os divisores para estrutura axúdanche a aproveitar o espazo de xeito intelixente se non tes moitas prendas longas que colgar, xa que tamén podes usar o oco que sobra na parte de abaixo.

Estes divisores, que se poden usar en andeis, caixóns, barras ou cestos de reixa, permítenche contar con diferentes tipos de almacenaxe para gardar todo tipo de prendas e accesorios.

Personalizar así o interior do teu armario permíteche crear exactamente o armario que precisas.

Aínda que algúns pantalóns (por exemplo, os vaqueiros) se poden gardar perfectamente dobrados nun caixón ou nun andel, hai outros que é mellor colgalos. Para iso se inventaron os nosos colgadoiros para pantalóns extraíbles!

Estes colgadoiros para pantalóns axúdanche a manter a forma dos pantalóns, co que, en moitos casos, evitarás ter que pasarlles o ferro. Dispoñibles en diversos tamaños para caber en distintas estruturas de armario, cada percha ten barras divididas de xeito uniforme que permiten ver claramente os pantalóns, polo que che resultará máis doado decidir cal poñer. A barra ábrese e péchase suavemente, conta cun tope e transmite sensación de solidez e firmeza.

Que os accesorios máis pequenos teñan formas tan variadas non é un problema para as nosas bandexas extraíbles KOMPLEMENT.

As bandexas extraíbles, compactas e estilizadas intégranse perfectamente no teu armario e fornécenche moitas posibilidades de almacenaxe diferentes. Úsaas tal cal ou combínaas cun divisor que se adapte aso teus accesorios. Xa sexan cintos e gravatas, lentes de sol, reloxos, aneis ou outras xoias, seguro que atopas un divisor apto para todas as túas cousas.

Un consello: para facilitar o acceso ás diferentes partes das bandexas, pon os compartimentos máis grandes na parte posterior do caixón.

Como hai máis dun xeito de organizar os zapatos, temos máis dun organizador KOMPLEMENT para esa tarefa. Non importa cantos zapatos teñas: os nosos organizadores de zapatos fornécenche moitas solucións, así que escolle a que mellor se adapte ao teu calzado e ao teu armario.

O noso andel zapateiro extraíble é o rei dos organizadores de zapatos. Ao poder gardar os zapatos en dous niveis, permíteche aproveitar ao máximo o espazo dentro do armario. Tamén temos un accesorio de zapatos para bandexa extraíble e un andel para zapatos. Ambos os artigos teñen soportes inclinados, polo que che permiten ver facilmente o que tes para tardar menos en decidir cales pór.

Cando xa teñas o armario organizado, engade iluminación para velo todo ben cando o precises, especialmente nesas mañás que tes que madrugar e aínda está escuro.

A nosa variedade de iluminación integrada permíteche pór luz en diferentes áreas do teu armario PAX, xa sexa baixo un andel de vidro para iluminar unha bandexa extraíble ou na parte de enriba para dar luz sobre as barras. Acéndese e apágase cun sensor ao abrir e pechar as portas, e tamén hai opcións regulables. A serie de luces LED ÖVERSIDAN tamén está dispoñible en cores a xogo con algunhas das nosas estruturas PAX.

Por fóra, pon iluminación na parte de arriba do armario ou no teito de enriba para ter a máxima visibilidade posible. Combínaa co resto das luces do teu dormitorio para realzar o ambiente.

Xa tes as barras, os andeis, os colgadoiros extraíbles e os caixóns listos, e aínda así sóbrache espazo? Engade solucións de almacenaxe SKUBB!

A serie SKUBB está chea de caixas e organizadores prácticos que caben en todo tipo de recunchos do teu armario PAX: nos andeis, na parte de abaixo e ata nas barras. As caixas están dispoñibles en distintos tamaños e teñen as dimensións axeitadas para adaptarse aos andeis das estruturas de armarios PAX. Están dispoñibles en diversas cores que combinan con todos os nosos armarios PAX e quedarán moi ben en calquera lugar.