Como escoller o colchón perfecto para ti

Colchóns de resortes/resortes ensacados: 

Distribúen o peso e reducen a presión, grazas ás súas bobinas metálicas. Cunha capa extra de espuma ou látex, a comodidade está garantida. Os resortes ensacados veñen envoltos individualmente en fundas e actúan de maneira independente, mentres que os resortes de tipo Bonnell están todos interconectados.

• Dormes con alguén? Recoméndanse os resortes ensacados antes cós de tipo Bonnell, xa que aseguran a independencia de leitos.
• Adoitas pasar calor cando dormes? Os colchóns de resortes permiten o aire circular, de maneira que poderás manter unha temperatura axeitada.

Colchóns viscoelásticos/espuma:  adáptanse ao teu corpo como unha luva

Estes colchóns están fabricados con diferentes tipos de escuma que ofrecen un bo soporte que se adapta ao corpo e reduce a presión.

A escuma viscoelástica é densa, elástica e adaptable, e axúdache a relaxarte por completo porque mellora a circulación sanguínea entre os músculos e a pel. A espuma estándar crea unha zona estable para durmir e pode ser moi firme ou branda. 

• Dormes con alguén? A espuma amortece e absorbe o impacto dos movementos.
• Adoitas pasar frío cando dormes? Os colchóns de espuma envolven o corpo e adoitan ser máis cálidos cós de resortes.
• Os colchóns híbridos contan con resortes ensacados entre varias capas de espuma de tipos diferentes para ofrecer un soporte estable que reduce a presión nas zonas axeitadas.

Como podes escoller o colchón da firmeza axeitada? A postura na que dormes é un factor moi importante. O peso non te define, pero si que afecta ao soporte. 

Os colchóns firmes ou extrafirmes son os máis adecuados para as persoas que:

• Dormen de lado e pesan 85 kg ou máis. Por que? Adáptanse aos ombros e aos cadrís, especialmente nas zonas de confort. Consello: combínaos cunha almofada alta.
• Dormen de costas e pesan 60 kg ou máis. Por que? Evitan que o pescozo e a zona lumbar afundan demasiado no colchón. Consello: combínaos cunha almofada baixa.
• Dormen boca abaixo e pesan 60 kg ou máis. Por que? Alivian a presión da columna vertebral. Consello: combínaos cunha almofada moi baixa ou non uses almofada.

Velaquí todos os colchóns firmes e extrafirmes de resortes

Velaquí todos os colchóns firmes de espuma, viscoelástica e HR

Chamouche a atención algún colchón? Asegúrate de que encaixa coa túa estrutura de cama e corpo. 

Os teus pés non deberían sobresaír por un extremo, e deberías ter espazo abondo para moverte e xirarte con comodidade. 

Estas son as medidas dos nosos colchóns: 

• Colchóns individuais: 80x200cm, 90x200cm e 105x190cm
• Colchóns dobres: 135x190cm, 140x200cm, 150x190cm, 160x200cm e 180x200cm