Como elixir roupa de cama

Temos o vello costume de crer que elixir a roupa de cama é unha decisión sen maior relevancia. Porén, ao final decátaste de que inflúe directamente no noso confort e descanso. Que debemos ter en conta á hora de mercar sabas ou recheos nórdicos? Non perdas esta lista de consellos imprescindibles para elixir a túa roupa de cama.

Elixe o material da túa roupa de cama

Hai unha gran variedade de materiais: lyocell, algodón, poliéster, satén... Pero en que se diferenza cada un? O material influirá tanto na durabilidade como na propia comodidade da cama. A roupa de cama elaborada con poliéster é das máis económicas, pero tamén das que menos confort ofrecen, xa que se trata dun material sintético e pouco transpirable. En moitos casos, combínase con algodón para crear prendas mixtas. A seda, pola súa parte, é das máis suaves e frescas, pero tamén das que máis custan. Poderiamos dicir que o algodón ocupa o primeiro posto dos materiais máis comúns na roupa de cama. Ao fin e ao cabo, é un claro referente na transpirabilidade das sabas e das fundas. É dicir, que canto maior é a porcentaxe de algodón, máis transpirable será a roupa de cama. Unha gran parte da nosa roupa de cama é 100 % algodón, o que dá lugar a roupa cun material suave e natural que absorbe a humidade, e resulta moi agradable ao tacto. Amais, desde o ano 2015, todo o algodón que empregamos provén de fontes máis sostibles, polo que se recicla ou cultiva con menos auga, fertilizantes químicos e pesticidas.

TRÄDKRASSULA Funda nórdica e 2 fundas de almofada, branco/azul240x220/50x60 cm

Fíxate no número de fíos para elixir as sabas

Seguro que máis dunha vez pasouche iso de atopar dous produtos practicamente iguais, pero con prezos moi distintos. Por que acontece isto? No caso dos prezos da roupa de cama (por exemplo, o das sabas), pode deberse ao número de fíos dos que estea feita. Este é un dos indicadores máis fiables de calidade do tecido. O número de fíos, como ben di o seu nome, é o número de fíos por polgada cadrada. Cantos máis fíos haxa, maior densidade e resistencia terá a tela, e polo tanto, maior calidade. Para dar unha idea, a media do número de fíos dunha saba estándar sería duns 120 por polgada cadrada. O recomendable é elixir aquelas a partir de 200 para que a calidade comece a ser realmente boa. Así que xa sabes: ante a dúbida, revisa sempre o número de fíos.

Ver sabas

Ver sabas

Mide ben o teu colchón

Unha vez teñamos claros os conceptos básicos sobre a composición da roupa de cama, chega o momento de elixila. Para iso, primeiro debemos medir ben o colchón. Parece algo obvio, non si? Pois un dos erros máis frecuentes á hora de elixir e mercar roupa de cama vén por non medir correctamente o colchón.

A cor da roupa de cama inflúe no confort e a calidade

Aínda que non o creas, a cor tamén inflúe na calidade da roupa de cama. A explicación é moi sinxela. Ao non ter que tratarse con tintes, a roupa de cama branca mantén mellor as fibras naturais de algodón e é máis respectuosa co medioambiente. Así a todo, a roupa branca non nos ofrece esa variedade cromática dos xogos de sabas e mantas con cores e estampados, que tanto nos gustan para a decoración.

Elixe edredón ou recheo nórdico

A elección do edredón nórdico dependerá do teu propio termóstato. Para os máis calorosos, o mellor son os edredóns frescos cunha menor cantidade de recheo; no caso dos máis friorentos, o ideal é estar ben quentiños e cubertos ou, noutras palabras, contar cun bo recheo. Non sabes cal escoller? Non te preocupes: tamén existen recheos nórdicos todo terreo. Os edredóns nórdicos 4 estacións son perfectos para ter un recheo fresco e cálido nun mesmo produto. Tan só deberás engadir ou eliminar capas para regular a temperatura. Así de sinxelo.

Como elixir edredón