Como elixir o material axeitado para a túa roupa de cama

Ao elixir a roupa de cama, hai que fixarse noutras cousas máis aló da estética. No que respecta ao estilo e a comodidade, cada persoa ten necesidades de seu. Por iso, aspectos como o material e o tecido tamén son importantes. Ademais do algodón, usamos viscosa e lyocell na nosa roupa de cama porque son materiais que presentan vantaxes similares ao algodón e que teñen un tacto suave e sedoso. Tamén usamos poliéster, que non destingue e é fácil de lavar. Aínda non tes claro que material é mellor para ti? A nosa guía axudarate a decidir

Unha nena nunha cama envolvida nunha colcha, cunha funda nórdica VÄNKRETS de lunares en branco/rosa e dúas lámpadas de teito brancas enriba.

Lyocell: transpirable e sedoso

A roupa de cama de lyocell absorbe a humidade e ofréceche un tacto suave e sedoso, polo que axuda a crear unha contorna seca e acolledora na que durmir placidamente toda a noite. Está feito con fortes fibras de celulosa que proceden principalmente da madeira de eucalipto. Queres coñecer máis vantaxes? O lyocell seca facilmente despois de lavalo e non encolle. Encántanos a mestura con algodón para crear roupa de cama duradeira e supersuave.

Unha cama de hotel con varias filas de almofadas e fundas nórdica e de almofada NATTJASMIN tecidas en satén branco con discretas raias.

Esquina dun edredón dobrado e vestido con roupa de cama NATTJASMIN branca xunto a un andel nun espazo asollado.

Roupa de cama KÄRRDUNÖRT en verde escuro e outras cores nunha cama rodeada de cortinas estampadas preto dunha xanela.

Viscosa: natural, duradeira e resistente á perda de cor

A roupa de cama de viscosa achega unha suavidade agradable e duradeira ao teu espazo de descanso. É moi absorbente, polo que ofrece unha contorna cómoda e seca durante toda a noite. Este material, do mesmo xeito que o lyocell, tamén está feito de fibras de celulosa procedentes da madeira. A viscosa conserva moi ben as cores, que manteñen a súa intensidade durante máis tempo. Gústanos mesturala co algodón para ofrecerche unha roupa de cama transpirable, suave e sedosa todas as noites.

Velaquí todos os xogos de fundas nórdicas

Unha cama tapizada SLATTUM en gris escuro na esquina dun dormitorio con dous edredóns vestidos con roupa de cama BROKDRACENA.

Unha persoa durmida nunha cama tapizada SLATTUM debaixo dun edredón vestido con roupa de cama BROKDRACENA en branco e negro.

Velaquí todos os xogos de fundas nórdicas

Roupa de cama BREDVECKLARE de cadros azuis e brancos, unha manta de rizo branca e un libro rosa e branco sobre unha cama.

Unha cama vestida con roupa de cama RODGERSIA en gris e branco e dous coxíns con fundas IDALINNEA xunto a unha cama infantil.

Algodón: suave, resistente e transpirable

O algodón é un tecido duradeiro que permite o paso do aire e absorbe a humidade, á vez que ofrece unha sensación agradable ao tacto. Tamén é fresco e, por tanto, unha grande opción para os climas máis cálidos. A súa popularidade radica, entre outras cousas, en que é fácil de lavar e vólvese máis suave e cómodo co tempo. Como ten características similares á viscosa e o lyocell, adoita mesturarse con ambos materiais para crear unha roupa de cama duradeira e moi suave.

Roupa de cama DOFTAKLEJA en azul escuro/marrón claro nunha cama extensible GLAMBERGET cunha colcha PELARTUJA encima.

Un diván HEMNES convertido en cama dobre con roupa de cama ÄNGSLILJA de cor natural sen tinguir e un coxín de raias.

Primeiro plano dunha cama con fundas nórdica e de almofada MYGGLASVINGE cun motivo de follas e unha manta de cor gris-turquesa.

Poliéster: sintético, fácil de manter e sen engurras

A roupa de cama de poliéster, dispoñible en cores vivas e diversas estampados, queda moi bonita. Este material sintético non destingue e conserva a intensidade das cores sen importar a frecuencia con que o laves. Outro motivo polo que nos encanta é porque é moi doado de lavar e resistente ás manchas, ademais de secar moi rápido. As fibras de poliéster non se encollen, polo que conservará a súa forma orixinal lavado tras lavado. Mestúrase moi ben co lyocell e a viscosa para crear roupa de cama confortable e suave. É bonito, suave e fácil de manter. Que máis se lle pode pedir?

Unha persoa sorrindo mentres suxeita un edredón e varias almofadas con roupa de cama PILTANDVINGE en rosa claro nun dormitorio luminoso.

Unha persoa sorrindo tombada nunha cama cuberta con roupa de cama PILTANDVINGE en verde claro con outras almofadas ao redor.

“Na nosa roupa de cama, usamos dúas técnicas de tecido básicas: o ligamento tafetán e o satén. O percal englóbase dentro do ligamento tafetán. Cada técnica de tecido confírelle propiedades específicas á roupa de cama, así como diferentes vantaxes para adaptarse a todas as necesidades dos nosos clientes.”

Boryana TsochevaEnxeñeira de deseño de produtos

Unha morea con oito tipos diferentes de roupa de cama, incluída a roupa de cama NATTJASMIN branca e BROKDRACENA en branco e negro.

Un tecido de ligamento tafetán clásico para crear roupa de cama resistente e duradeira

O tecido de ligamento tafetán, o máis básico e común, é moi duradeiro e ofrece as mesmas características polos dous lados. Todos os tecidos compóñense de dous conxuntos de fíos: o urdido, que atravesa lonxitudinalmente o tecido; e a trama, que o fai ao ancho.

No tecido de ligamento tafetán, séguese un padrón consistente en pasar o fío unha vez por riba e unha vez por baixo para crear un acabado entrecruzado. A densidade do tecido mídese polo número de fíos por polgada cadrada.

Parte superior dunha cama vestida con dous tipos de roupa de cama RODGERSIA con estampado de cachemira (un gris e outro vermello).

Percal: o estilo dunha cama de hotel, todas as noites

Deveces polas as sabas firmes que che fan sentir como nun hotel? Recrea a cama do teu hotel favorito con roupa de cama de percal, como este xogo de funda nórdica e de almofada HAMPFLOCKEL. O percal é un tecido de ligamento tafetán que se elabora apertando os seus máis de 200 fíos por polgada para ofrecer un tecido denso cunha textura fina e ultratranspirable.

A roupa de cama feita con este tecido é suave, agradable e fresca, para transportarte a outro mundo sen abandonar a comodidade da túa cama.

Velaquí todos os xogos de fundas nórdicas

Unha cama TONSTAD marrón con espazo de almacenaxe vestida con roupa de cama HAMPFLOCKEL e cunha manta LAPPKATTFOT encima.

Unha cama feita con roupa de cama HAMPFLOCKEL co edredón dobrado e coxíns de cores intensas detrás das almofadas.

Velaquí todos os xogos de fundas nórdicas

Roupa de cama de satén se buscas un acabado brillante

A roupa de cama de satén é extraordinariamente suave e caracterízase polo seu bonito brillo, que lle dá un aspecto refinado á cama. Este tecido ten un lado con brillo e outro mate. Para acadar este efecto, pásase un fío de urdido por encima de catro fíos de trama. Como resultado, a roupa de cama ofrece un aspecto luxoso e unha sensación de frescura que se traduce nun gran confort.

Primeiro plano dos bordos e botóns da roupa de cama NÄSSELKLOCKA en beixe grisallo/multicolor.

Primeiro plano da roupa de cama NATTJASMIN branca cunha onda que permite ver o acabado do material.

Unha saba axustable NATTJASMIN branca coa metade nunha cesta e a outra sobre unha táboa de pasar o ferro RUTER diante dunha cama sen facer.

Os nosos mellores consellos para coidar a roupa de cama

Cando lavala: recomendamos facelo cada dúas semanas. Se sofres algunha alerxia, tes algún problema de saúde ou dormes con mascotas ou nenos, lávaa máis acotío.
Temperatura: lávaa a 60 °C para acabar coas bacterias.
Secado: sécaa de inmediato para previr os fungos e os malos cheiros.
Dobrado: dóbraa para reducir engúrralas e gardala de xeito eficiente.
Especificacións do material: no caso da roupa de cama de satén, pasarlle o ferro axuda a conservar o seu aspecto.

Boryana Tsocheva
Enxeñeira de deseño de produtos