Saltar
GL ESgalego

Como deseñar o armario PAX perfecto para ti

Dedica un espazo específico ás túas prendas e accesorios nun armario PAX personalizado. O sistema de almacenaxe PAX fornece moitas opcións para que deseñes o armario idóneo segundo o teu espazo e necesidades de almacenaxe. Para crear a túa solución, escolle as estruturas, as portas, os pomos e os organizadores interiores no noso planificador PAX. Aquí tes 6 sinxelos pasos para empezar.

Un armario PAX branco sen portas con roupa en dúas barras, zapatos nunha balda para zapatos e caixas nun andel alto.
Un armario PAX branco sen portas con roupa en dúas barras, zapatos nunha balda para zapatos e caixas nun andel alto.

1. Escolle as estruturas

Primeiro, pescuda de canto espazo dispós para o armario. Mide a altura do chan ao teito e a lonxitude de parede a parede, e non esquezas ter en conta o zócalo.

As nosas estruturas están dispoñibles en diferentes tamaños para todo tipo de espazos. Hai tres anchos, dúas alturas e dous fondos dispoñibles, ademais dunha estrutura adicional para aproveitar os recunchos sen usar. Para completar as túas opcións, fornecemos catro cores fáciles de combinar (branca, efecto carballo con tintura branca, gris escura e beixe agrisada) cos que personalizar por completo o teu armario.

Un consello: terás que engadir 1 cm se queres portas con bisagra e 4 cm se queres portas corredizas. E se montas a túa estrutura PAX en vertical, asegúrate de deixar polo menos 1 cm de espazo enriba.

Un vídeo con estruturas de armario PAX de diferentes tamaños, formas e cores nunha animación que vai cambiando.

2. Escolle as portas, os pomos e os tiradores

O aspecto do teu armario PAX é algo que hai que pensar. Queres almacenaxe aberta ou pechada? Quizais non queiras pór ningunha porta e prefiras optar por cortinas para darlle un aire máis lixeiro. E se non, temos unha ampla variedade de portas, pomos e tiradores que se adaptan a interiores de todos os estilos. Para empezar, decide se queres portas corredizas ou con bisagras; despois, escolle o tamaño e o estilo que vaia mellor coa túa estrutura. Se escolles portas con bisagras, completa o look con pomos e tiradores, que podes renovar facilmente cando che apeteza un cambio.

Un vídeo que amosa unha estrutura PAX branca nun recuncho con portas que van cambiando para amosar as diferentes opcións da nosa variedade.

Todo listo para deseñar o armario PAX perfecto para ti?

Recompila todas as medidas que precisas para facerte unha idea das túas necesidades de almacenaxe. Despois, vai ao planificador PAX para empezar a crear o teu armario personalizado.

Ir ao planificador PAX

3. Organiza as cousas máis grandes con barras, caixóns e baldas

Aquí é onde os organizadores interiores KOMPLEMENT fan a súa maxia. Como as prendas máis grandes e os zapatos ocupan case todo o espazo, escolle primeiro unha mestura de barras, andeis e caixóns KOMPLEMENT. Podes colgar os vestidos, as camisas, os pantalóns e os abrigos nas barras e dobrar as outras cousas, como camisetas, vaqueiros e xerseis, para gardalas facilmente nos caixóns e andeis. Engade cestos de reixa para airear mellor a roupa e os andeis para zapatos se os precisas.

Un vídeo no que se amosa un armario PAX branco que se vai enchendo con diferentes caixóns, barras e andeis KOMPLEMENT.

4. Deixa espazo para os accesorios máis pequenos

Xa sexan cintos, lentes de sol, xoias, bufandas, reloxos, accesorios para o pelo ou gravatas, os divisores e bandexas para accesorios KOMPLEMENT están dispoñibles en distintos tamaños e estilos de compartimentos para que todo teña o seu sitio. Tamén hai outros organizadores para os accesorios máis pequenos, como caixas de diversos tamaños, perfectas para gardar chalecos e roupa interior. Bota unha ollada aos teus accesorios para facerte unha idea de que organizadores para cousas pequenas escoller segundo as túas necesidades.

Un vídeo cun primeiro plano dun armario PAX branco con varias bandexas extraíbles KOMPLEMENT diferentes con distintos accesorios no seu interior.

5. Dálle luz ás túas cousas

Cando teñas todas as túas prendas e accesorios organizados, ilumina ben o espazo para poder atopalos facilmente. No interior, segundo en que parte poñas a luz, podes dirixila cara aos caixóns, bandexas e barras. As nosas solucións de iluminación interior integrada contan cun sensor automático e algunhas regulables, algo moi útil se prefires unha luz de baixa intensidade para non molestar a ninguén. Por fóra, a iluminación sobre o armario ou xusto un pouco máis arriba darache unha boa visión xeral e realzará o ambiente do cuarto.

Vídeo cun armario PAX branco, de cuxo interior sae luz cando se abre a porta e se apaga cando se pecha.
Ir ao planificador PAX

6. Ponte a planificar!

Após medir o teu espazo e facerte unha idea das túas necesidades de almacenaxe, usa o planificador PAX para completar o deseño do armario. Para facilitarche a compra en liña, engade produtos á túa bolsa da compra ou crea unha lista que poidas levar á tenda.

Ir ao planificador PAX

Como deseñar o armario PAX perfecto para ti

Hai moitas combinacións PAX predeseñadas entre as que escoller. Tamén podes deseñar o teu armario PAX perfecto co tamaño, o aspecto, a cor e as especificacións ideais para a túa estancia, así como para as túas necesidades de almacenaxe.

Paso 1: mide o espazo dispoñible

É moi importante medir o espazo onde vas colocar o teu armario. Tanto a altura e a largura como a profundidade.

Para armarios PAX de 236 cm de altura:

  • Con portas abatibles: necesitas mínimo 237 cm (para montalo de pé) ou 244 cm (para montalo no chan)
  • Con portas corredizas: necesitas mínimo 240 cm (para montalo de pé) ou 244 cm (para montalo no chan)

 

Para armarios PAX de 201 cm de altura:

  • Con portas abatibles: necesitas mínimo 202 cm (para montalo de pé) ou 209 cm (para montalo no chan)
  • Con portas corredizas: necesitas mínimo 205 cm (para montalo de pé) ou 209 cm (para montalo no chan)

Axudámosche a medir o espazo
Axudámosche a medir o espazo

Axudámosche a planificar o teu armario PAX

Podémosche axudar a tirarlle o máximo partido ao teu armario, aproveitando cada recuncho e tendo en conta os teus gustos e necesidades. Servizo totalmente de balde e desde a comodidade da casa. 

Pide a túa cita virtual

A domicilio a partir de 48 horas

Enviámosche o teu pedido pequeno a domicilio dende 0€* por ser de IKEA Family. Envío de mobles dende 9,90€.

Máis información

Montaxe de mobles

Porque hai ocasións nas que vén ben un pouquiño de axuda

Máis información

Opcións de financiamento

Gózao agora e vai pagando aos poucos* cos nosos servizos de financiamento.

Máis información

365 días para cambiar de opinión

Podes devolver os teus artigos nas nosas tendas ou a domicilio

Máis información

Cóntanos a túa experiencia!