Saltar
GL ESgalego

Como organizar o interior do teu armario en 5 pasos sinxelos

Estás considerando facerte cun armario novo? Ou queres tirarlle máis proveito ao que xa tes? Presta atención aos nosos cinco mellores consellos para organizar o armario, que che permitirán elixir sempre o conxunto perfecto. Ou, cando menos, non tardarás tanto en decatarte de que non tes nada para poñer.

Unha barra con roupa e dous sistemas de almacenaxe colgante SKUBB con 6 compartimentos, cunha cortina GLANSHAGTORN á beira.
Unha barra con roupa e dous sistemas de almacenaxe colgante SKUBB con 6 compartimentos, cunha cortina GLANSHAGTORN á beira.

1. O tamaño importa

Se estás a considerar cambiar o armario, primeiro tes que valorar cantas cousas tes pensado gardar e dividir as túas pertenzas en categorías. As necesidades de almacenaxe da roupa, os artigos para o exterior, os zapatos ou os accesorios son diferentes, así que isto axudarache a decidir que tipo e tamaño de armario escoller.

Un adulto e un cativo colocan un xoguete amarelo entre eles, diante dun armario VIHALS e un colgadoiro MACKAPÄR con almacenaxe para zapatos.
Se tes pouco espazo ou queres que os teus mobles combinen entre si, un armario independente é unha grande opción.
Unha combinación de armario BOAXEL branca con caixóns e unha barra con roupa, así como unha solución de almacenaxe colgante STUK con 7 compartimentos.
O cuarto ten unha forma estraña? Proba cunha solución aberta personalizada que poidas integrar na estancia.
Unha combinación de armarios PAX/REINSVOLL de cor beixe coas portas abertas con barras para pendurar e estantes con caixas e roupa.
Prefires un armario personalizado con moitos accesorios? Un sistema de armarios pode ser a solución perfecta para ti.

2. Escolle caixas que caiban á perfección

Hai moitas caixas de almacenaxe diferentes para organizar o interior do teu armario. Teñen diferentes tamaños moi prácticos, polo que poderás escoller as que se adapten mellor aos distintos espazos.

Armario VIHALS branco cunha porta aberta, con andeis con caixas de almacenaxe e organizadores de zapatos SKOSTALL negros.
As caixas de tamaño medio son ideais para as cousas que precises ter á man, como xoguetes, luvas ou bufandas. Proba a poñer dúas caixas máis pequenas enriba dunha máis grande con tapa para conseguir unha combinación impecable.
Caixón dun armario PAX aberto. No seu interior, hai caixas KOMPLEMENT con roupa encartada e accesorios.
De encaixaren entre si sen deixar ocos entre elas, as caixas máis pequenas poden axudar a aproveitar ao máximo o espazo dun caixón e a manter ordenados os accesorios de menor tamaño con formas raras.
Un armario BRIMNES branco con catro estantes enriba onde se gardan caixas de almacenaxe e unha barra ao lado con pezas de vestir vaqueiras.
Estas grandes caixas pechadas serven para gardar a roupa de tempada sen po ata que volvas precisala. Algunhas teñen redes de ventilación para manter as pezas de roupa máis frescas.

3. Maximiza o espazo con almacenaxe colgante

Pendura algunhas cousas para aproveitar ao máximo o espazo. Queres conseguir un aspecto organizado nun instante? Só tes que combinar todas as túas perchas. Tamén podes probar con organizadores de almacenaxe colgantes, que axudan a aproveitar o espazo de xeito máis flexible e son especialmente útiles para as cousas que prefiras ter encartadas, como as prendas de punto.

Nove perchas BUMERANG, oito delas brancas, penduradas dunha barra branca con varias pezas de roupa de cores neutras.
Pendurar cousas como camisetas, vestidos, pantalóns e chaquetas fará que se engurren menos e permitirache velas mellor con só botar unha ollada rápida. Ordénaas por cores para conseguir un aire máis zen.
Algunhas pezas e unha solución de almacenaxe STUK con 7 compartimentos penduradas dunha barra nunha combinación de armario BOAXEL branca.
Un organizador de almacenaxe colgante permite poñer as cousas directamente nos estantes ou engadir accesorios útiles, como caixas, para usar cada compartimento de xeito máis versátil.
Unha percha múltiple KOMPLEMENT branca con bufandas pendura do tirador dun armario.
Os accesorios tamén se poden gardar nunha solución de almacenaxe colgante. Permiten aforrar moito espazo se as usas para as bufandas e os cintos, que serán máis doados de ver e coller.

4. Ilumina ben a túa roupa

Se incorporas iluminación no interior do teu armario ou na parte superior deste, poderás ver mellor a túa roupa dunha ollada. As luces de arriba reflectiranse nas portas pechadas e inundarán o cuarto cunha luz suave. Son perfectas se a túa parella e ti erguédesvos a horas diferentes, xa que quen levante primeiro pode usalas mentres o outro segue a durmir.

Descubre toda a iluminación dos armarios
Dous armarios PAX/GRIMO con iluminación YTBERG, un ao lado do outro a carón dunha parede, preto dun sofá cama de 2 prazas VIMLE beixe.
Descubre toda a iluminación dos armarios

5. Ordena, vende, doa

O teu armario comeza a estar cheo? Tes máis pezas de roupa das que podes controlar? Se facer unha limpeza total do armario de vez parece demasiado, podes optar por un enfoque máis sinxelo. Vai enchendo unha bolsa de roupa para doar ou vender segundo vaias atopando cousas que xa non queiras. Cando estea chea, divide as cousas entre o que queiras vender e o que prefiras doar para darlles un novo fogar.

Velaquí todas as cestas e caixas de almacenaxe
Unha persoa de xeonllos no chan metendo uns vaqueiros nunha gran bolsa FRAKTA azul chea de roupa.
Velaquí todas as cestas e caixas de almacenaxe

Sigue esta guía para ordenar a almacenaxe do teu dormitorio

Un armario PAX/MEHAMN en gris escuro nun dormitorio gris cunha porta aberta. A iluminación do interior reflíctese nunha barra de roupa.
Cinco pasos para conseguir o teu armario IKEA perfecto

Cóntanos a túa experiencia!