Saltar
GL ESgalego

5 consellos para poñer orde: como organizar unha cómoda

Se fas un pequeno esforzo por manter ordenado o interior dunha cómoda, as rutinas diarias tornaranse algo máis agradables. Aquí che damos algunhas ideas para organizar unha cómoda de xeito que sempre atopes exactamente a roupa e os accesorios que precisas, sen perder tempo rebuscando.

Cinco caixas SKUBB brancas con accesorios de roupa, catro delas no caixón superior aberto dunha cómoda MALM branca e outra enriba.

1. Dálle a cada caixón a súa propia función ou categoría.

Podes facilitar a túa almacenaxe decidindo a función específica de cada caixón. Por exemplo, podes poñer só artigos dunha determinada cor en cada un. Ou ordenar a cómoda por tipo de peza de vestir ou actividade. Analiza o que tes e como vistes para ver que vai mellor contigo.

Unha cómoda VIHALS branca con 4 caixóns vista desde enriba; todos os caixóns están abertos e dentro gárdanse distintos tipos de pezas de roupa.

2. Engade caixas para roupa cómodas e prácticas

Podes incorporar organizadores ou caixas para roupa dentro dun caixón para manter as cousas perfectamente ordenadas e evitar a desorde. Podes usar tantos como precises, se é que os precisas. Reordenar, cambiar o seu interior ou sacar algunhas cosas do caixón cando o precises tamén se torna moito máis sinxelo.

Unha cómoda VIHALS branca con 4 caixóns, o segundo deles aberto e con caixas de tea no interior, onde se gardan pezas de roupa e cintos.

3. Aposta por enrolar e dobrar en lugar de amontoar

Para aproveitar mellor o espazo do caixón, podes enrolar ou dobrar a roupa e os accesorios, e despois poñelos en paralelo. Deste xeito, é máis doado ver e coller as cousas que se as amontoas unhas enriba doutras. Enrolar a roupa tamén é unha maneira moi práctica de dividir un caixón se o compartes co teu fillo ou coa túa parella.

Velaquí todas as cómodas
Unha cómoda VIHALS branca con 4 caixóns; o de enriba está aberto e nel gárdanse cinco caixas SKUBB brancas con roupa dobrada e enrolada.
Velaquí todas as cómodas

4. Resalta (e separa) os accesorios con organizadores pequenos

Se engades bandexas ou caixas pequenas para as xoias e accesorios, o interior da túa cómoda pode ser tan bonito como práctico. Ao gardalos desta forma, sempre saberás onde tes as túas pequenas pertenzas e, do mesmo xeito, onde gardalas despois.

Lentes de sol e xoias dentro dunha bandexa RAGGISAR de cor gris escura no caixón superior dunha cómoda TONSTAD con 6 caixóns.

5. Búscalle un sitio, malia que non sexa algo que vistas

Como se pode organizar unha cómoda con produtos de todo tipo? Os accesorios para caixóns e as caixas de almacenaxe resistentes, con ou sen tapa, son perfectos para ordenar as lentes de sol, os xoguetes, os cables USB e outros artigos esenciais. Organizar así un caixón fornece un espazo moi útil para gardar cousas de todo tipo.

Un armario PLATSA branco con 6 portas e 3 caixóns; hai un caixón aberto e, no seu interior, gárdanse caixas NOJIG de cor beixe con varios artigos dentro.

Limita o que hai dentro

Non tes que encher os caixóns con absolutamente todo o que tes. Unha cómoda estará menos sobrecargada se atopas un lugar máis axeitado para as pezas de roupa máis voluminosas e doutras tempadas. Quizais podes gardalas no armario ou debaixo da cama nunha bolsa de almacenaxe.

Velaquí todos os armarios
Unha porta corrediza aberta dun armario KLEPPSTAD branco; no seu interior, gárdanse pezas de roupa en perchas e unha solución de almacenaxe STUK con 7 compartimentos.
Dúas bolsas de almacenaxe HEMMAFIXARE de tea de raias/branca/gris nunha cama; a bolsa máis grande está aberta e pódese ver roupa no seu interior.
Velaquí todos os armarios

Máis consellos para almacenar e organizar as pezas de roupa

Queres ordenar e organizar mellor a túa roupa, ademais da dos teus fillos, e atopala máis facilmente? Dámosche algúns consellos que quizais te axuden e inspiren.

Cóntanos a túa experiencia!