Unha cama cómoda e algo para petiscar nas tardes de relax

Dálle outro uso ao colgadoiro do teu dormitorio e colga a roupa que te pos con frecuencia, como o teu suadoiro favorito ou a bata, para telos aínda máis á man. Tamén é unha boa maneira de integrar os teus accesorios na decoración ou de ter pronta a roupa do día seguinte antes de ir durmir.

Un dos detalles máis divertidos deste cuarto é o carriño. Ao estar recollido nunha esquina, o seu acabado en branco fai que o ambiente xeral se manteña ordenado e elegante. Cheo de recipientes con doces e petiscos, só tes que achegalo se empezas a ter fame cando esteas vendo unha película, por exemplo. Se non queres que o teu can se sinta excluído, garda tamén algunha lambonada para el.

Una mestura de cores elementais en tons suaves e intensos, xunto coas solucións de almacenamento pechadas, axuda a crear un ambiente apracible e acolledor, pero cun toque especial. Todo se reduce a atopar un equilibrio entre comodidade e funcionalidade, e unha cama tapizada responde perfectamente a ambas as cousas. Pequenos detalles, como o carriño e os prácticos andeis xunto á cama, permítenche ter as túas cousas preto (é dicir, os doces e o mando a distancia) para non ter que moverte nun bo anaco.