Un primeiro fogar que pode durar para sempre

Un primeiro fogar de verdade é como un primeiro amor: parece que vai durar para sempre. E talvez sexa así! Independentemente do tempo que vivas nel, as lembranzas, o orgullo e a paixón que esperta un primeiro fogar de verdade seguramente perdurarán para a eternidade. Ocorre o mesmo cos detalles tradicionais inspirados noutras épocas e no presente.

Un dormitorio onde predominan principalmente o branco e o rosa claro, cunha cama HEMNES no medio e un armario PAX/GRIMO ao fondo.

Estilo tradicional con funcións modernas

Coas portas corredizas cunha parte de vidro, a iluminación automática e outros detalles intelixentes, ti decides o que queres ter á vista e o que non. Seguro que tes cousas que merece a pena mostrar! Complementa o teu armario PAX con algún dos moitos organizadores de interiores KOMPLEMENT dispoñibles para gardar as túas cousas favoritas, ora á vista, ora ocultas.

Velaquí o sistema PAX

Armario PAX con portas corredizas cunha parte de vidro e luz tanto dentro como fóra. Unha porta está aberta, e pode verse o interior perfectamente organizado.

Primeiro plano do interior do armario coa percha múltiple KOMPLEMENT cuns panos de cor rosa e varios xerseis pendurados.

Velaquí o sistema PAX

Todas as persoas precisamos un apoio firme e de confianza

A vida é como o gancho. Se algo non sae segundo o previsto, é posible desfacer varios puntos e empezar de novo. O mesmo pasa cos mobles, así que asegúrate de que cumpran as túas necesidades actuais e de poder adaptalos se algo cambia. No que respecta a este escritorio, non importa o que fagas: estudar, traballar, coidar das túas plantas, ler, debuxar, comer ou facer gancho. Sempre estará aí, independentemente do proxecto que teñas en marcha. E para regular a luz de maneira sinxela, monta un estor opaco FRIDANS na fiestra.

Un escritorio cunha máquina de coser diante dunha parede rosa e unha fiestra pola que entra moita luz. Por enriba hai varias teas colgando.

Coidado!

É bo coidar das cousas que che gustan, como a roupa, os zapatos etc., pero non esquezas coidarte ti.

Queres poñer as túas cousas á vista ou prefires ocultalas?

A cómoda HEMNES conta cuns caixóns moi amplos e permite quitar do medio as túas cousas, e poñer á vista aquelas das que queiras presumir. Alguén entretívose poñéndoa a proba e chegou a meter ata 140 camisetas dobradas nos seus caixóns. Cando remates de encher os caixóns, aínda terás espazo na parte de enriba para colocar os obxectos que queiras poñer á vista.

Velaquí todas as cómodas

Cómoda HEMNES branca na parede da dereita, un armario PAX/GRIMO ao fondo, e moitos cadros e espellos na parede.

Primeiro plano dunha cómoda HEMNES vista dende enriba, cun caixón aberto perfectamente ordenado.

Velaquí todas as cómodas

Máxima comodidade tanto de día como de noite

Utiliza todos os teus sentidos á hora de elixir a roupa de cama, xa que cada material ten as súas propiedades. Este xogo de funda nórdica e fundas de almofada SHERSMIN está feito cun tecido tipo muselina moi suave de algodón orgánico 100%. Se queres que a cama sexa comodísima tanto de día como de noite, ponlle uns cantos coxíns extra.

Velaquí toda a roupa de cama

Primeiro plano dunha cama HEMNES branca con roupa de cama e varios coxíns rosa claro, azul e cun estampado de flores.

Velaquí toda a roupa de cama

Reinventamos o espertador

Non te deixes enganar polo aspecto tradicional de espertador TJINGA: asegurámosche que non soa como os antigos. Non fai ruído ao funcionar e soamente soa á hora que ti lle indiques. Non perturbará o teu descanso, non te manterá en vela cando te deites, non alterará a túa paz mental e non che impedirá ver outro vídeo máis en TikTok…

Velaquí todos os reloxos espertadores

Primeiro plano dunha mesa de noite HEMNES co espertador TJINGA, un coello de peluche DVÄRGHARE e unha lámpada de mesa RÖDFLIK.

Velaquí todos os reloxos espertadores

Non deixes de soñar!

Dubidabas da túa capacidade e as túas posibilidades para montar o teu fogar segundo as túas normas e coas túas cores favoritas? Nós, non. Máis ben todo o contrario, xa que IKEA leva toda a vida ofrecendo solucións accesibles para que todas as persoas poidan desenvolver un estilo propio. Alá por 1943, cando Ingvar Kamprad era un mozo de 17 anos que vivía no campo, fundou IKEA coa axuda da súa mente creativa e os seus grandes soños e aspiracións. As cousas cambiaron moito dende aquela, pero a creatividade é igual de importante, a artesanía continúa alimentando o noso espírito, a madeira maciza mantense como era entón, e os soños e as aspiracións aínda son a base de todo o que está por chegar.

Velaquí a serie de dormitorio HEMNES