Un dormitorio de estilo gráfico que se adapta ao teu ritmo de vida

Traballar, xogar, descansar. E volta a empezar. Este dormitorio de estilo gráfico pasa de zona de traballo a lugar de descanso, espazo de almacenaxe e laboratorio de ideas. Nel, por moito movemento que haxa, todo se enfoca sempre con calma. Para iso conta con mobles elegantes e ben planificados, moitas solucións de almacenaxe e numerosos tecidos. O resultado? Un refuxio para desconectar do resto do mundo.

Vista superior dun dormitorio colorido cunha cama con dosel VITARNA branca no centro, vestida con roupa de cama SLÅNHÖSTMAL.

A ledicia de arrodearse de tecidos!

Descubre o potencial dos tecidos en capas para converter un dormitorio cheo de actividades nun refuxio para fuxir do estrés diario. Aquí demostra o que vale a cama VITRANA con dosel. Pendura cortinas con estampados gráficos en cores que che gusten para darlle un aspecto dinámico desde fóra e acolledor por dentro.

Velaquí todos os produtos téxtiles

A esquina dun edredón e unha almofada vestidos con roupa de cama SLÅNHÖSTMAL a carón da parte inferior dunha cortina ROSENROBINIA branca.

Unha cama con dosel VITARNA branca vestida con roupa de cama SLÅNHÖSTMAL e con tea precortada VARGTÖREL e FLUGBLOMSTER arredor.

Velaquí todos os produtos téxtiles

Almacenaxe adaptable que pon o foco nas túas pezas de roupa favoritas

Aínda que os espazos e as necesidades de almacenaxe cambien, os mobles non teñen por que facelo. O armario PLATSA, cheo de solucións adaptables, está preparado para todo o que o teu dormitorio e o teu estilo de vida poidan necesitar. Pódese personalizar doadamente, tanto se se trata dun espazo pequeno como dun teito inclinado. Ademais, o espazo de almacenaxe aberta e pechada permíteche ocultar cousas e amosar a túa personalidade.

Velaquí a serie PLATSA

Un armario PLATSA branco nun dormitorio luminoso con roupa na guía e caixas enriba. Hai unha cadeira de brazos SJÄLSÖ diante.

Detalle da guía e os andeis dun armario PLATSA con roupa en perchas BUMERANG e dobrada nos andeis.

Velaquí a serie PLATSA

A tranquilidade de saber que todo está no seu sitio

No canto de almacenaxe integrada, podes probar a mesturar distintas solucións nunha parede para darlle un estilo xeométrico e estilizado. Se as elixes todas da mesma cor, terás un acabado máis sinxelo, mentres que unha combinación de tons claros engadirá calidez e profundidade sen renunciar ao estilo minimalista. O resultado? Almacenaxe versátil, un cuarto ordenado e moita personalidade.

Velaquí todos os armarios

Un armario LIXHULT gris, un moble de TV LACK branco e un moble de caixóns con rodas ALEX en paralelo nunha parede cunha fiestra.

Velaquí todos os armarios

Con todo ordenado, o cuarto énchese de vida

Este cuarto resúmese en tres simples palabras: un refuxio sinxelo. A mestura de mobles modernos con liñas limpas e formas gráficas une a funcionalidade e o estilo para conseguir un resultado moderno pero atemporal. A almacenaxe permite usar a creatividade: cando saibas o que vas gardar dentro, todo terá o seu sitio.

O noso consello para conseguir o mesmo estilo? Coloca os mobles en lugares inesperados para aproveitar ao máximo o espazo. Como peza central, a cama achega comodidade e estilo, e crea un refuxio de descanso con todo disposto para desconectar.

Velaquí todas as camas