Goza da tranquilidade dun dormitorio moderno e elegante

Un dormitorio é evidentemente un lugar para durmir, aínda que tamén pode ser un lugar no que parar o ritmo e relaxarse antes de que sexa a hora de dicir boas noites. Un xeito de atopar ese lugar relaxante cando o necesites é decorando o teu dormitorio para que che axude a baixar automaticamente o ritmo nada máis entrar pola porta.

Dormitorio con paredes en gris escuro, unha cama con roupa de cama en branco, gris e laranxa, unha cadeira de brazos en primeiro plano e ventás de fondo.

Queres redecorar todo o cuarto? Merca cortinas novas.

Todos sabemos o impacto que poder ter nun cuarto limpar simplemente as ventás, así que imaxina o que poden facer por el unhas cortinas novas. Sobre todo se esas cortinas teñen varias funcións. Os estores non deixan pasar a luz para axudarche a durmir ata máis tarde cando poidas e queiras. As cortinas finas atenuarán a luz do cuarto e achegarán unha sensación de intimidade, mesmo a plena luz do día, afastada do mundo bulicioso de fóra. Por último, aínda que non menos importante, a cortina semiopaca SANELA dálle un toque elegante ademais de amortecer tanto o son como a luz.

Primeiro plano dunha ventá con estores, cortinas finas brancas e cortinas SANELA de cor turquesa escura de algodón aveludado opaco.

Planifica a túa cama antes de deseñala

Unha boa noite de descanso non é produto do azar; é o resultado dunha cama e roupa de cama coidadosamente elixidas que se adaptan ás túas preferencias durante toda a noite. Son moitas as opcións que podes escoller: colchóns de diferentes calidades, sabas con varios tipos de texturas e niveles de transpirabilidade, edredóns de distintos materiais e temperaturas, e almofadas para todos os gustos. Todo isto levará o teu descanso a un novo nivel, así que asegúrate de planificar todas as capas da túa cama para deseñar unha solución que pareza e sexa todo un soño.

Como deseñar unha cama acolledora

Primeiro plano do lateral dunha cama con varias capas de roupa de cama de distintos tecidos e cores. Detrás, hai unha ventá con cortinas.

Como deseñar unha cama acolledora

Shhh... Non rompas a calma do cuarto

Unha mente inqueda precisa un espazo ordenado para poder relaxarse. Un cuarto que lle diga ao cerebro que se relaxe. Aquí, os dous armarios FRYKSÅS agochan todas as cousas como punto de partida para unha estética relaxada. Un equilibrio axeitado das cores dálle un toque especial, igual que unha cadeira cómoda, unha luz suave e uns cantos bos libros. O resultado é un cuarto para relaxarse, tanto se estás esperto como mentres dormes.

Dous armarios FRYKSÅS de ratán nun cuarto con paredes grises e chan de madeira, un anaco dunha cama e unha cadeira de brazos en primeiro plano.

A temperatura da luz

A luz dun cuarto marca a diferenza do mesmo xeito que o fan fóra a luz do sol ou a choiva, aínda que dentro ten o poder de cambiar "o clima". O xeito máis doado de usar ese poder é pasando a unha lámpada LED intelixente TRÅDFRI. Co mando a distancia sen fíos, poderás regular a luz de máis fría a máis cálida dependendo do teu estado de ánimo ou da hora do día. Mercar unha lámpada nova é o máis parecido a renovar o sol.

Primeiro plano dunha lámpada de teito MISTERHULT de bambú cunha lámpada cuxa luz pode regularse de máis fría a máis cálida.

Unha boa noite de descanso só para ti

A cama é probablemente o recanto máis íntimo do mundo dunha persoa, así que asegúrate de elixir ben a túa. Para iso, tamén terás que ter en conta o espazo ao redor da cama e o momento antes e despois de durmir. Tes a luz perfecta para ler? Que che parece unha alfombra suave xunto á cama? A que temperatura che gusta ter o cuarto? Tes sempre un bo libro á man? Son as túas horas de descanso as que están en xogo, e o espazo destinado a iso. Fai que sexa ideal para ti.

Velaquí todas as lámpadas de mesa

Esquina dunha cama cun estante ENHET na parede e unha lámpada de traballo MODERMOLN na mesa de noite. O cuarto está escuro como se fose de noite.

Velaquí todas as lámpadas de mesa

A limpeza non é algo que só se ve, senón que tamén se nota

Esa sensación é fácil de ter co purificador de aire STARKVIND. Que non te engane o seu bonito aspecto, que queda ben en calquera cuarto. Filtra o 99,5% das partículas do aire, como o po e o pole. E si, como é un produto axeitado para os dormitorios, fai pouco ruído para que o poidas ter acendido toda a noite sen que perturbe o teu sono.

Primeiro plano dun purificador de aire STARKVIND negro no chan cun espello e unha cama nun dormitorio que hai detrás.

Como pasar por todo o "proceso de vestirse"

Practicamente calquera espazo aberto pode converterse nun armario, co que prepararte será tan doado como saír do cuarto. Coa axuda da variedade infinita de organizadores interiores KOMPLEMENT, poderás personalizar o teu armario PAX para adaptalo a todas as túas cousas. Así terás toda a capacidade de almacenaxe que precises sen poñer patas arriba a estética relaxada do cuarto.

Velaquí o sistema PAX

Combinación de armarios PAX en verde cunha porta aberta; dentro pódese ver a roupa colgada e perfectamente ordenada.

Velaquí o sistema PAX

Unha viaxe no tempo?

É difícil cambiar o mundo, aínda que ás veces o único que necesitas é un cuarto perfecto. No intre no que entras nun cuarto como este, poderás coller folgos, baixar o volume, sentir a alfombra suave, sentar e simplemente pechar os ollos un minuto. É como retroceder no tempo a unha época na que non existían os teléfonos móbiles, tiñamos menos estrés e había máis tempo simplemente para existir. Ola de novo.

Velaquí todas as camas tapizadas