Converte o teu dormitorio no teu propio oasis natural

Inspira, expira... Ese é o primeiro paso e o máis sinxelo para relaxarse. Outro consello antes de activar o modo relax para ir durmir é ter toda a zona arredor da cama ben ordenada; e se afastas o móbil, mellor que mellor. A mesa de noite HAUGA ten un caixón onde podes gardar as cousas máis pequenas; así, terás a parte de enriba despexada para poñer o que queiras ter preto á hora de durmir. A lámpada de parede SOLKLINT será a xoia da coroa.

Este cuarto transmite calma e tranquilidade. Isto non sería posible sen o armario PAX e os organizadores interiores KOMPLEMENT. O sistema pode personalizarse segundo as túas necesidades de almacenaxe para telo todo ben ordenado e perfectamente organizado. Combina os andeis e as barras para pendurar a roupa con caixóns de diferentes tamaños e estilos, cestas, caixas, bandexas extraíbles e perchas, ou solucións especiais para o calzado, as xoias e os accesorios. As combinacións son practicamente infinitas. E todo quedará perfectamente oculto tras as portas PAX/GRIMO de cor verde. As portas contribúen moito ao estilo do cuarto, o mesmo que o armario coa almacenaxe.

Usa varias capas de cortinas diferentes nas fiestras; así, poderás abrir as cortinas para que entre a luz do sol pola mañá ou pechalas para conseguir un ambiente máis tranquilo ou que non entre nada de luz ao durmir. Os tecidos tamén contribúen ao estilo do cuarto, e é todo un luxo poder controlar a luz que entra no cuarto.

A harmonía é unha sensación, non un estilo de decoración. A harmonía acádase cunha combinación axeitada para os teus sentidos de varios elementos: concretamente, o estilo, as cores e o ambiente. Uns mobles de cores e materiais naturais transmitirán calma tanto polo seu aspecto como polo seu tacto. Inspira, expira e reláxate.