Como planificar a reforma do baño en cinco pasos

Agás se vas construír unha casa nova ou remodelar por completo o baño, non poderás elixir o tamaño do teu baño nin a posición das tubaxes. Pero si poderás controlar o estilo, e iso supón un importante paso cara ao baño dos teus soños. Bótalles unha ollada aos nosos sistemas de baño e descubre todas as opcións que tes de tamaño, cor e acabado, e como poden marcar a diferenza. Na nosa ampla variedade de armarios de baño, armarios de lavabo, lavabos, duchas, billas, iluminación e espellos, atoparás a variedade que precisas para planificar o deseño do teu baño, xa sexa grande ou pequeno, co estilo que máis che guste.

Non deixes ningunha decisión para o final; ten todo en conta desde o principio. Un plan claro e conciso segundo o teu orzamento permíteche aforrar tempo e diñeiro a longo prazo. Queres dous lavabos? Son ben prácticos, pero ocupan máis espazo. Precisas máis espazo de almacenaxe? Pode que prefiras caixóns pechados, andeis abertos ou ambos. Repara nos principais elementos do baño da seguinte lista, analízaos e anota os que sexan máis importantes para ti segundo o tamaño, a función e o estilo.

– Moble de lavabo

– Espellos

– Solucións de almacenaxe

– Organizadores interiores

– Iluminación

– Toalleiros

Cando teñas un esquema básico, inicia o noso planificador de baños en liña. Só tes que facer clic no botón que aparece a continuación. Sempre é divertido probar as túas ideas iniciais e ver como todo vai tomando xeito. Se precisas axuda, reserva unha cita cos nosos especialistas en deseño de baños.

Evidentemente, poderás instalar o teu baño IKEA sen axuda. Atoparás guía e vídeos en liña para a montaxe dos teus mobles de baño. Se prefires axuda, estamos aquí para todo o que precises.