Un aseo para convidados atemporal e ordenado

Este toucador ENHET branco é a base das rutinas e a coordinación. Os caixóns amplos garanten unha gran capacidade de almacenaxe. Os tiradores BORGHAMN en metal negro mate combinan co estilo tradicional da estancia. Os accesorios de gres, o espello con bordo biselado e os estantes con remates na parte superior danlle un toque artesanal.

A almacenaxe aberta ben planificada dálles unha cálida benvida aos teus convidados. Utiliza cestas e caixas para colocar as toallas de man, artigos de aseo e produtos de primeiros auxilios. Pasa os teus obxectos persoais a un caixón para así deixarlles un andel libre onde colocaren as súas cousas. Combina enfeites para darlle personalidade e mellorar o estilo. Os recipientes de vidro estriado son ideais para esvaecer o contido e evitar as olladas indiscretas.

Podes chamalo hospitalidade, encanto ou calidez. Pensa nos pequenos detalles para crear unha experiencia inesquecible para os convidados. Por exemplo, podes utilizar toallas de diferentes cores para lembrar facilmente de quen é cada unha. Ou colocar unha barra ou cesta para gardar o esencial preto do inodoro. A fin de contas, o aseo é unha estancia moi prezada para todo o mundo, incluídas para os nosos convidados.

Presentámosche unha das ideas máis efectivas e sinxelas para un aseo pequeno. Utiliza estantes robustos de aceiro galvanizado HYLLIS para gardar produtos de limpeza, papel hixiénico e produtos esenciais máis voluminosos. Despois, utiliza unha barra e unha cortina de ducha para agochalo todo. Agora incluso o gato terá privacidade.