Ideas de deseño de baños compartidos compatibles con todas as idades
Nun bulicioso baño familiar, a privacidade adoita brillar pola súa ausencia, sobre todo se por el pasan dende os máis pequechos ata os avós. Mais non ten por que ser así. O baño está aí cando o precisas, xa sexa para enfrontarse ás atafegadas mañás ou para levar a cabo as relaxantes rutinas nocturnas. Con HAVBÄCK, podes gozar de almacenaxe intelixente, solucións accesibles e opcións de organización moi ben pensadas para axudarche a transformar o baño nun espazo funcional que se adapte a todos os membros da familia.
Espazo para todas as persoas, sen desorde
Nun baño compartido como este, as cousas non tardan en amontoarse. Ao utilizar solucións de almacenaxe óptimas, toda a familia poderá ter o seu propio espazo sen que todo sexa un caos. Os armarios altos permiten ter recollidos os produtos de beleza e as toallas, os armarios de parede liberan espazo no lavabo e a almacenaxe móbil axuda a que os obxectos indispensables estean ao alcance dos máis pequechos. Engade accesorios como VISSLAÅN con compartimentos e soportes para que sexa máis sinxelo organizar as cousas máis pequenas, de modo que nada se perda. O resultado? Un baño no que se respira tranquilidade e orde, independentemente de quen o use.
Preparada para todos os membros da familia
Xa sexa para batuxar con xoguetes ou proceder con algo máis de cautela, a zona da ducha está aí para ti en cada etapa vital. O andel para ducha BÄSINGEN é un elemento resistente ao que aferrarse se precisas axuda, que se ve complementado por unha cadeira de ducha coordinada, xa que ofrece un lugar cómodo e seguro onde sentar. Engade unha alfombra de baño antiescorregóns para gozar dunha maior estabilidade ao pisar, e contarás cunha zona divertida e práctica na que o confort e a tranquilidade van da man.
Unha luz para cada momento
Cada rutina convida a un tipo de iluminación distinto. Grazas a RODRET, podes axustar o brillo con facilidade para que se adapte á tarefa ou o estado de ánimo en cuestión. Usa luces brillantes e claras cando teñas que axudar os máis pequechos ou para verte mellor, e atenúaas cando toque relaxarse ao final do día.
Unha luz para cada momento
Cada rutina convida a un tipo de iluminación distinto. Grazas a RODRET, podes axustar o brillo con facilidade para que se adapte á tarefa ou o estado de ánimo en cuestión. Usa luces brillantes e claras cando teñas que axudar os máis pequechos ou para verte mellor, e atenúaas cando toque relaxarse ao final do día.
Enche as túas rutinas de ledicia
Preparar os máis pequechos para que se deiten non é sempre doado, pero, cun pouco de sentido do humor, todo é máis levadío. Converte as rutinas nocturnas nun xogo co temporizador HUMLESJÖN; así, os rituais para deitarse serán máis divertidos e predicibles. Á fin e ao cabo, os máis pequenos teñen que saber cando é o momento oportuno para cada actividade. Esta ferramenta permitiralles ser máis independentes, xa que non terás que andar a recordarlles cando teñen que parar de lavar os dentes. Deste xeito, todas as persoas gozarán dos últimos momentos do día en (relativa) calma.
