Eleva o amplo e resistente escritorio gaming UTESPELARE a unha altura óptima para ti. A malla metálica da parte traseira do taboleiro axuda a circular o aire para refrixerar o PC cando a partida se quenta de máis.
Detalles do produto
A altura das patas pódese axustar manualmente a 6 alturas diferentes entre 68 e 78 cm así que, sexa como for, sempre poderás sentar a unha altura cómoda.
Podes colocar o taboleiro de dous xeitos diferentes. Se se orienta a forma contorneada cara adiante, poderás apoiar os antebrazos e os pulsos, e se se orienta cara á parte posterior, crearás un oco polo que poderás pasar todos os cables por embaixo.
A malla metálica da parte superior do escritorio deixa pasar o aire para manter o computador refrixerado; ademais, é tan resistente que ata podes fixar un par de brazos de monitor nela.
Xogar debería ser cómodo, mesmo cando se alarga a partida. Por iso, o taboleiro é profundo para que poidas colocar as pantallas a unha distancia cómoda dos ollos.
O organizador de cables que hai debaixo do taboleiro axúdate a manter o escritorio en orde.
Combina á perfección coa cadeira de videoxogos UTESPELARE.
Jon Karlsson
Medicións
- Peso máximo: 50 kg
- Ancho: 160 cm
- fondo: 80 cm
- altura máxima: 78 cm
- altura mínima: 68 cm
Opinións dos clientes
Accesorios para UTESPELARE
Explora as túas opcións
Proba os mobles e a decoración nun espazo virtual antes de mercar para atopar os que mellor se adapten ao teu fogar.
A xogar!
En IKEA temos moita experiencia na vida no fogar, pero somos novos no mundo dos videoxogos. Por iso decidimos traballar en equipo con recoñecidos expertos de Republic of Gamers (ROG) para comprender mellor como é a vida diaria dos xogadores de PC máis fanáticos. O resultado foron escritorios, cadeiras, almacenaxe e accesorios que poden axudar a máis xogadores a conseguir máis vitorias.
Pregúntalle a calquera gamer. Diranche que os videoxogos son máis ca un pasatempo. Son un xeito de relaxarse e de conectar cos demais. Para algúns, mesmo son un medio de vida. Cando Sofia Wiktorsson, unha de nosas desenvolvedoras de produto, empezou a traballar coa nosa nova variedade para gamers, entrou nun universo completamente novo, o dos videoxogos.
Pasamos de pantalla para axudar a máis gamers
"Colaboramos con ROG todo o tempo e coñecemos tanto a xogadores profesionais como a gamers de alto rendemento", conta Sofia. Tras bombardear aos xogadores con preguntas e velos en acción, para o equipo, e para ela mesma, quedou claro onde podía marcar a diferenza IKEA. "Vimos a necesidade de cadeiras cómodas e ergonómicas e de complementos para as longas sesións de xogo, mobles e accesorios estables que mellorasen a precisión, e almacenaxe intelixente para os equipos. Pero tamén desenvolvemos solucións que facilitasen a posibilidade de comer e beber sen ensuciar mentres xogaban".
Gaming democrático
Hai varios miles de millóns de gamers no mundo, pero non é un grupo uniforme de persoas: a diversidade é grande, e hai diferentes culturas, idades, niveis educativos e de ingresos. "Queremos que poidas adaptar o espazo de gaming aos teus gustos e necesidades, independentemente de onde proveñas, se vives só ou con outra persoa", explica Sofia. "Os produtos deben estar en consonancia co resto das cousas que as persoas teñen na casa. É a nosa maneira de democratizar a experiencia gaming, tanto para os gamers como para quen non xoga".