Protexe a túa vaixela dos golpes e os bordos rotos para que dure moitos anos. Se tes que poñer a mesa para un gran banquete, podes levar todos os pratos dunha vez.
Detalles do produto
Impide que os pratos se movan cando abras ou peches os caixóns, e protéxeos dos golpes.
Ten unhas asas para que sexa máis fácil de transportar.
Pódese colocar nun caixón ou nun estante.
Adáptase ao tamaño dos teus pratos.
S Fager/F Cayouette
Medicións
- anchura mínima: 26.4 cm
- anchura máxima: 36.9 cm
- Altura: 14.6 cm
- Peso máximo: 10 kg
- Diámetro mín. prato: 18.7 cm
- Diámetro máx. prato: 31.0 cm
Opinións dos clientes
Dálles amor aos caixóns da cociña
Se a cociña é o corazón do fogar, os seus armarios e caixóns son o corazón da cociña. Creamos os organizadores de interiores UPPDATERA para que sexa máis doado manter os caixóns ordenados e poder atopar o que buscas. Así terás á man os utensilios de cociña sen os que non podes vivir cando bates unha salsa ou probas a sopa, aínda que non teñas unha cociña IKEA.
Cando é posible acceder facilmente a todo nos armarios e caixóns, podes centrarte nas cousas divertidas da cociña, como cociñar, enfornar e pór a mesa. Ou simplemente quitar a cea de enriba porque tes outras cousas que facer.
Máis flexibilidade no interior
En IKEA levamos moito tempo ofrecendo bandexas para cubertos e coitelos e outros interiores de cociña dentro da nosa gama, pero as entrevistas cos nosos clientes deixáronnos claro que tiñamos que actualizalas. Manuel Courela, que participou no desenvolvemento da serie UPPDATERA, di que seica os interiores da cociña poden non ser flexibles dabondo cando as persoas teñen novas necesidades. "Cada día é distinto na cociña, igual que na vida mesma. Se coñeces alguén ou se a familia medra, empezas a cociñar máis ou comezas unha nova dieta, polo que é práctico que os interiores da cociña se poidan adaptar facilmente ás novas aventuras vitais". Manuel móstranos como se pode mover e utilizar o portacubertos de diferentes maneiras. "Levántalo e polo directamente na mesa á hora de xantar. Ou podes usalo para pór nel os botes de aceite e de vinagre".
Adapta á túa propia cociña
A idea da serie UPPDATERA é facer que os organizadores de interiores sexan máis flexibles. A bandexa adicional de plástico é un bo exemplo. Colócaa xunto a unha bandexa para cubertos ou utensilios para conseguir un axuste perfecto e utiliza mellor os caixóns da cociña, independentemente do seu tamaño. "Non todo o mundo ten unha cociña IKEA, pero calquera pode ter as funcións de IKEA nos interiores da súa cociña. Agardamos que os diferentes produtos da serie UPPDATERA supoñan un cambio importante sen ter que facer un gran investimento".