SKYTTA / SVARTISDAL

Combinación de porta corrediza

En todo o mundo hai xente á que se lle ocorren solucións moi creativas para aproveitar ao máximos os metros cadrados dos que dispoñen. Dividen as estancias con librerías, e agochan roupa e obxectos voluminosos detrás das cortinas. "Con SKYTTA, queriamos atopar unha solución de altura completa máis estable, que fose flexible e económica", explica Fabio Picolato, que participou no traballo de desenvolvemento.

A resposta estaba nos nosos armarios PAX, ou máis ben nas súas portas corredizas de aluminio. "Abofé que tiñamos que axustar algúns detalles, como as guías do chan e teito, pero a técnica e a cadea de produción xa estaban en marcha, o que nos axudou a aforrar tempo e a manter o prezo reducido." Do mesmo xeito que co armario PAX, podes engadirlle o teu propio estilo elixindo a cor, o acabado e a expresión das portas. SKYTTA está dispoñible en dúas anchuras e dúas alturas. Se ningunha delas se axusta ao teu espazo, recomendámosche que lle solicites ao noso servizo de montaxe ou a un profesional que che axude a axustar as portas corredizas.

Unha cousa é segura: a vida nunca é igual e as necesidades cambian. Pero se a familia crece ou se tes demasiadas cousas, hai máis solucións ademais de cambiar de casa. Fabio sinala que con SKYTTA tes espazo para novas funcións e consegues a calma que precisas neste mundo tan axitado. "A comodidade non consiste só en ter unha boa cama ou un sofá cómodo, senón tamén en poder relaxarse e non distraerse con outras cousas nin ruídos fortes".