25 ano de garantía
Unha vez montados os armarios da cociña, remata o traballo como un profesional tapando o oco que queda entre eles e a parede con esta tira.
Detalles do produto
Dálle á túa cociña un aspecto acabado tapando o oco que queda entre a parede e os armarios.
Cobre fendas pequenas (de ata 10 mm).
O embelecedor ten un bordo flexible que se adapta á parede ocultando calquera imperfección.
Pódese cortar facilmente ao longo que precisas.
Instalación adhesiva, abonda con premer firmemente coas mans.
Dispoñible en branco e gris-negro para combinar coas cores das armazóns de armario.
25 anos de garantía. Consulta as condicións xerais no folleto de garantía.
IKEA of Sweden
Medicións
- lonxitude: 220 cm
- fondo: 3 cm
- grosor: 1 mm
Opinións dos clientes
Unha cociña que nos levou polo mundo
Sexa como for a cociña dos teus soños, seguramente sexa distinta ao que desexa o resto do mundo. Isto foi o que aprendemos cando investigamos o que lle gusta á xente en materia de cociña polo mundo adiante. A nosa conclusión no tocante ao sistema de cociña METOD é que ten que permitir deseñar a mellor cociña para ti, sexan cales foren as túas preferencias e lugar de residencia.
Cantas máis persoas teñan a súa cociña mellor, e nós queremos axudalas a conseguilo. E así foi como comezamos cos bosquexos. "Cando a creamos, METOD supoñía o maior cambio que afrontabamos en materia de cociña, polo que é xusto dicir que traballamos con moito tino", di o técnico Klas-Ola Nilsson.
Pesquisas por todo o mundo
E como é a cociña polo que todo o mundo suspira? Preguntamos a milleiros de persoas, visitamos centos de casas e traballamos con profesionais da industria alimentaria. "Chegamos á conclusión de que o que une as cociñas de todo o mundo é que todas son diferentes", di Klas-Ola. "Por cada persoa que soña cunha cociña aberta, hai outra que non ten espazo para facela, ou que non pode acometer unha reforma dese tamaño".
Das pesquisas aos resultados
Houbo un elemento que se revelou extremadamente importante. "Decatámonos de que necesitabamos un sistema de cociña capaz de adaptarse a espazos de distinto tamaño e dunha maneira totalmente nova para nós", di Klas-Ola. "Así foi como deseñamos armarios que se puidesen instalar en case calquera parte". É posible combinar pezas de distinto tamaño, en función da estancia, e de maneira harmoniosa, sen acabados raros. Amais, tamén podes personalizar o seu interior para satisfacer todas as túas necesidades.
Preparadas para o futuro
Unha cociña adaptable resulta máis cómoda á hora de cociñar: isto é así agora e será así no futuro. Se o que buscas é unha cociña máis profesional ou se só a queres utilizar para máis actividades, a cociña METOD está aquí para axudarte. "METOD non é algo definitivo nin pechado", di Klas-Ola. "A idea de cociña soñada evoluciona constantemente. Para satisfacer as necesidades futuras, METOD tamén evolucionará".
Funcionalidade
Bloques de construción para a cociña
As estruturas METOD son a base da cociña. Elixe armarios baixos, altos ou de parede, dispoñibles en varias medidas de ancho. Os armarios altos e de parede están dispoñibles en varias alturas. Para aproveitar un recuncho, hai estruturas de esquina con carrusel que permiten alcanzar o contido con facilidade. Tamén hai estruturas especiais para fornos sinxelos ou dobres integrados. Perfectas se queres ter o forno a unha altura de traballo cómoda. Compleméntaas con accesorios interiores UTRUSTA, UPPDATERA e VARIERA.