KVARNVIK Caixa con tapa, beixe, 25x35x20 cm

"A sostibilidade forma parte dun obxectivo común que aplicamos a todos os nosos produtos", afirma Jakub Brat, un dos desenvolvedores de TJENA e KVARNVIK. "Cantas menos materias primas utilicemos para fabricar un produto sen quitarlle funcionalidade ou calidade, máis poderemos reducir o impacto ambiental de cada produto, e o seu prezo". Este obxectivo de utilizar menos materias primas e un mellor uso do papel reciclado é o que deu forma ao desenvolvemento das caixas TJENA e KVARNVIK. "A nosa idea para estas caixas era deseñar solucións de almacenaxe para revistas e artigos de papelaría, entre outras cousas do fogar", explica Jakub. "Así que, unha vez determinados os tamaños prácticos e a resistencia que debían ter, buscamos a mellor forma de fabricalas".

O papel é incriblemente versátil porque, logo dunha vida como xornal ou caixa de cereais, pode converterse en pasta e reutilizarse noutra cousa. Durante o proceso de reciclaxe elimínase parte do papel, así que cómpre engadir papel novo. Este papel novo (tamén coñecido como papel virxe) utiliza pasta de madeira procedente de bosques seguindo os nosos estritos requisitos de calidade para garantir que a madeira se cultive de forma responsable. "As caixas están feitas de polo menos un 80% de papel reciclado e ata un 20% de papel virxe", afirma Jakub. "O motivo polo que lle engadimos papel virxe é porque ten fibras frescas que son máis resistentes e danlle a forza necesaria ás pezas recicladas". Ao fabricarmos as caixas cun núcleo de papel reciclado e unha superficie de papel virxe, podemos utilizar o máximo posible de papel reciclado e seguir obtendo unha caixa de almacenaxe resistente, o que, ademais de mellorar a resistencia, tamén nos permite imprimir estampados e fermosas cores.

Ademais do material, o outro aspecto que analizamos para facer que as caixas fosen máis sostibles foi o propio deseño. "En realidade, as caixas TJENA substitúen un sistema de almacenaxe de caixas que tiñamos anteriormente chamado KASSETT", afirma Jakub. "Malia que era moi popular, era un chisco complicado de montar, con parafusos para soster as pezas". Ao quitarmos os parafusos, desenvolvemos unha estrutura de tipo sobre, que ten a dobre vantaxe de ser 100% reciclable e de ser máis fácil de montar. Queremos seguir desenvolvendo xeitos de utilizar o papel da maneira máis responsable posible, asegurándonos de que o noso papel proveña de fontes máis sostibles ou reutilizando os residuos do papel para crear cousas novas. Tras utilizar estas caixas durante anos, aínda podes reciclalas e convertelas en algo útil.