KUNGSFORS Portacoitelos magnético, ac inox
Como conseguilo
Inspirada por profesionais, mais adaptada a ti. Igual ca unha cociña de restaurante, centrámonos en usar materiais duradeiros e unha almacenaxe de parede intelixente que forneza o espazo preciso para os cociñeiros creativos domésticos.
Detalles do produto
O portacoitelos permíteche ter á man os coitelos que precisas mentres cociñas.
Conservarás os coitelos afiados máis tempo se os gardas nun portacoitelos magnético no canto de nun caixón.
Podes fixalo directamente á parede ou empregar unha guía de suspensión KUNGSFORS.
O portacoitelos magnético KUNGSFORS resulta moi útil para poñer os utensilios de cociña e así poder ter o mesado máis despexado.
Apto para zonas de humidade.
Ehlén Johansson
Medicións
- Ancho: 56 cm
Opinións dos clientes
As túas olladas
Almacenaxe práctica que te axuda a manter un bo ritmo
Seguro que a ti tamén che pasou: volves á casa canso tras un longo día e sabes que a túa familia quere cear canto antes. Pero hai truquiños que che poden axudar a que cociñar sexa máis doado. Coa nosa serie de almacenaxe de cociña montada na parede KUNGSFORS, os utensilios, as especias e as receitas teñen o seu sitio na parede en lugar de estar ciscados polo mesado da cociña. Cun pouco de innovación, tamén conseguimos que os soportes de parede queden ocultos.
Cando empezamos a traballar coa serie KUNGSFORS, inspirámonos no chef e autor de libros de cociña Maximillian Lundin. "Hai moitas cousas que aprender da cociña dun restaurante", afirma Maximillian. "Como ter utensilios e ingredientes á man para poder cociñar a bo ritmo e ter moito espazo libre no mesado da cociña".
Pon mobles na parede da cociña
Coa axuda de Maximillian, o noso equipo de desenvolvemento de produtos creou andeis, reixas e guías que se montan directamente na parede ou nas guías de montaxe especiais onde podes mover facilmente as cousas sen ter que facer máis buracos na parede. As guías teñen espazo para ganchos para todos os utensilios e para un andel especial, no que podes colocar unha tablet coa receita da cea á altura dos ollos.
Simplifica o cociñado
A serie componse de moitos produtos diferentes, polo que o proxecto requiría tempo e paciencia de todos os participantes. O enxeñeiro do equipo David Zeberg analiza o traballo realizado. "Un dos retos era agochar os soportes de parede das guías. Encántanme os proxectos nos que facemos algo pioneiro e temos que pór a proba os límites para atoparmos unha solución". Para o chef Maximillian, apaixonado da boa comida, pensar en como poder influír nas cociñas das persoas, o espazo onde se cociña, foi unha experiencia totalmente nova. "O positivo foi que todos os membros do equipo fosen tivesen expectativas tan altas para garantir que a serie KUNGSFORS axudase a simplificar a cociña", afirma Maximillian.
Material
Que é o aceiro inoxidable?
O aceiro inoxidable é utilizado tanto en estruturas de edificios e coches, como tamén en vertedoiros e coitelos. É comprensible que teña tantas utilidades. O aceiro inoxidable é un material resistente e duradeiro, cunha excelente resistencia á corrosión, é dicir, ao óxido. Adoita conter baixas cantidades de níquel e en IKEA xeralmente empregamos aceiro inoxidable sen níquel. Como pasa con outros metais, é un material que se pode reciclar unha e outra vez para convertelo en produtos novos, sen que isto afecte as súas propiedades.
Funcionalidade
Más espazo e maior fluidez na cociña
Cando as culleres, as especias e as receitas teñen o seu lugar determinado e visible na parede, consegues máis espazo e mellor fluidez cando cociñas. Coa serie KUNGSFORS, é fácil crear unha combinación persoal e gardalo todo para que os obxectos sexan facilmente accesibles e teñas unha boa visión de conxunto na cociña, como os cociñeiros profesionais. Coloca as tixolas en estantes abertos, os coitelos en reixas imantadas e os utensilios en ganchos. Así terás todo a man e moito espazo para traballar!
A idea tras o produto
A idea tras o produto
O máis importante cando deseñei a serie KUNGSFORS foi que difundise a alegría de cociñar. A serie axúdache a ter á vista os utensilios de cociña, as especias e os ingredientes, o que creo que dá un aspecto agradable á cociña, á vez que estimula o apetito e as ganas de cociñar. Tamén quería que axudase a manter a orde e facilitase a tarefa de cociñar. As pezas pódense combinar de calquera xeito, polo que se adaptan tanto a cociñas grandes como pequenas, e ás distintas necesidades das persoas.