Como conseguilo
Proba as nosas deliciosas albóndegas de polo HUVUDROLL, lixeiramente sazonadas para conservar o sabor natural do polo. Ao optar por elas, reducirás a túa pegada climática consumindo menos carne vermella.
Detalles do produto
Sirve as albóndegas de polo como a receita clásica sueca, con puré de patacas, salsa de nata e marmelada de arandos vermellos. Ou próbaas con pasta, verdura ou comida asiática.
As albóndegas de polo deben saber a polo. Por iso escollemos uns condimentos lixeiros para que se distingan todos os sabores naturais. Aínda así, o sabor evoca ao das albóndegas de tenreira ou de porco.
Do conxelador á mesa en poucos minutos. No forno, no microondas ou na placa; escolle como preparalas.
Prepara a cantidade que che fai falla e deixa o resto no conxelador.
Saborosas tanto frías coma quentes. Suxestión: párteas á metade e cómeas nun sándwich.
Medicións
- Peso neto: 1000 g
Opinións dos clientes
Unha infinidade de posibilidades
A receita que utilizamos actualmente para facer as nosas albóndegas clásicas en IKEA viu a luz en 1985. Desde entón, as albóndegas de IKEA convertéronse en todo un exemplo de todo o que a cociña tradicional sueca ten que ofrecer. Porén, cando lles preguntamos ós nosos clientes e clientas cal era a súa comida favorita, decatámonos de que tiñamos que ampliar a nosa familia de albóndegas e ofrecer outras alternativas saborosas.
"Non todo o mundo come carne de vaca nin de porco, así que volvemos entrar na cociña para crear novas receitas", di David Johansson, chef e creador de produtos en IKEA Food Services. Primeiro veu a albóndega de polo, unha alternativa para aquelas persoas ás que lles gusta a carne, pero non necesariamente a carne vermella. "Ó igual cás albóndegas tradicionais, pódense servir frías ou quentes, e condimentámola lixeiramente para adaptala ás distintas cociñas e sabores locais".
Novos sabores na forma clásica
A sostibilidade era outra das razóns de peso para crear opcións novas. "Coas albóndegas de verduras queriamos ofrecer algo igual de apreciado cás albóndegas clásicas, pero con menor impacto ambiental", explica David. Despois viñeron as albóndegas de salmón e bacallau. Conteñen anacos de salmón, demasiado pequenos para servilos como un filete enteiro. "É unha carne moi saborosa, así que pensamos, por que non facer albóndegas de peixe con eses anacos?, di David.
Recrear as albóndegas de carne, sen carne
A nova incorporación á familia é a albóndega de proteína vexetal. Está feita con proteína de ervella, patacas, mazá, avea e cebola, aínda que ten un sabor e unha suculencia equiparable ó das albóndegas de carne. Ademais, son perfectas para aquelas persoas que querer reducir o consumo de carne sen renunciar a nada. "Moitas cousas cambiaron desde 1985. Agora máis persoas poderán probar estas deliciosas iconas de IKEA. Independentemente de elas seguiren unha dieta flexitariana, vegana, carnívora ou das súas necesidades dietéticas ou preferencias culturais".
Form design process
Albóndegas de polo para o gusto e o clima
Non son as clásicas albóndegas nin vexetarianas, senón algo novo e único. Se queres comer menos carne vermella para reducir a túa pegada climática, pero segues querendo sabor a carne, as albóndegas de polo HUVUDROLL son unha boa opción. Habémolas sazonado suavemente para conservar o sabor natural e zumarento do pito, e fixémolas fáciles de preparar desde o conxelador. Sírveas clasicamente con puré de patacas, salsa de nata e marmelada de arandos vermellos, ou con pasta, verduras ou pratos asiáticos.