Como conseguilo
- Probado para: 110 kg
Unha readaptación dun clásico de IKEA, esta cadeira con barrotes está feita con madeira de bidueiro maciza e ten un asento de chapa lacada que resalta a vea. Unha mestura encantadora de estilo e solidez.
Detalles do produto
Revive a clásica cadeira de barrotes dos anos 70, con ela o teu comedor lucirá máis elegante e clásico.
Feita con madeira de bidueiro maciza e chapa de bidueiro para unha maior resistencia e lonxevidade.
O acabado lacado con acrílico transparente realza a elegancia natural da madeira e complementa unha ampla variedade de estilos interiores.
Grazas á forma do respaldo e o asento, a cadeira resulta moi cómoda.
Ao estar tratada cun verniz incoloro, a superficie é doada de limpar.
IKEA of Sweden
Medicións
- fondo: 51 cm
- Altura: 86 cm
- Fondo do asento: 36 cm
- altura do asento: 45 cm
- anchura do asento: 40 cm
- Probado para: 110 kg
- Ancho: 40 cm
Opinións dos clientes
Accesorios para HÖGVED
Explora as túas opcións
Proba os mobles e a decoración nun espazo virtual antes de mercar para atopar os que mellor se adapten ao teu fogar.
Unha nova vida para un clásico redescuberto
Unha enorme ledicia invadiu a Anders Adler, un dos nosos desenvolvedores de produtos, cando buscaba polas listaxes de casas de poxas. Velaí estaba: unha cadeira de madeira con respaldo de barrotes feita por IKEA e esquecida durante décadas. Avanzamos un par de anos e HÖGVED entra en escena, como unha versión actualizada da orixinal.
Anders é un fervoroso entusiasta dos produtos históricos de IKEA. "Levo coleccionando catálogos antigos dende hai anos. Son unha mina. Vira fotografías desta cadeira de barrotes, pero non puiden localizala nos arquivos nin en ningunha poxa. Ata agora".
Lixeireza e estabilidade
Anderson puxou por seis pezas da cadeira. Pensou que algunha podería ter sitio no museo de IKEA, pero a súa profesionalidade foi maior. Estudiou o ángulo do asento, as medicións, a inclinación das patas... e gustoulle todo o que viu. "A cadeira ten unha lixeireza moi característica e, ao mesmo tempo, é moi estable. Consideramos que era algo no que debíamos seguir traballando, tendo en conta os avances nas técnicas de produción, a conciencia ergonómica e as solucións de empaquetado dos últimos 50 anos. A versión modernizada chamouse HÖGVED. "É moi semellante á orixinal, pero quixemos asegurarnos de que coubese nun paquete máis pequeno e traballamos moito na comodidade. Grazas ao seu asento e ao respaldo contornados, pódese sentar comodamente, tanto se es alto, baixo ou como sexas".
Unha cadeira cun sitio na memoria
Esta cadeira de barrotes é un clásico da nosa gama de produtos e unha parte importante do noso legado escandinavo. Ao mesmo tempo, é neutra e atemporal dabondo como para axustarse a diferentes épocas e estilos de deseño de interiores. Anders capturou un momento de algo familiar, como ver un antigo vídeo VHS da infancia. "Sentei nesa cadeira na cociña que tiñamos! É curioso, porque non lembro que tivésemos unha na casa, pero, en certo sentido, estivo sempre comigo".