25 ano de garantía
A chapa de madeira con deseño de espigas e detalles característicos danlle á túa cociña un toque único. Combinan moi ben coa serie SINARP, pero tamén se poden combinar con portas de cores lisas para acadar un estilo moderno.
Detalles do produto
O motivo conséguese mediante unha elaborada técnica de carpintaría. Chapa de madeira en 3 tons diferentes prensada e cortada diagonalmente en láminas con forma de rombo que crean un deseño de espiga.
A chapa de madeira realza as características naturais da madeira, como as variacións na cor, vétaa e a estrutura da superficie, o que achega a cada fronte HASSLARP un aspecto único.
25 anos de garantía. Consulta as condicións xerais no folleto de garantía.
Personaliza a cociña engadindo unha ou máis portas HASSLARP ás túas portas e frontes de caixóns de cor lisa.
O deseño é a combinación perfecta para as portas e frontes de caixón SINARP.
IKEA of Sweden
Medicións
- Ancho: 39.7 cm
- Sistema, Al: 40.0 cm
- Sistema, An: 40.0 cm
- Altura: 39.7 cm
- grosor: 1.9 cm
Frontes de cociña con novidades na madeira
En ocasións requírese un detalle marcado para darlle un toque dinámico e distintivo a un interior uniforme. Coas frontes de cociña HASSLARP queriamos facer innovacións na madeira. Inspirámonos na artesanía clásica, onde os padróns decorativos en madeira están feitos con distintas tonalidades.
A nosa gama inclúe moitas frontes de cociña distintas que crean contrastes na estancia. Porén, faltábanos unha fronte interesante feita de madeira. Sara Åberg foi parte do equipo que creou HASSLARP e cóntanos como se lles ocorreu a idea. "Comezamos fixándonos nos padróns clásicos dos chans de madeira, como os padróns chevron e espiga de peixe. Baséanse na artesanía clásica, onde os padróns decorativos veñen de xuntar pezas de madeira máis pequenas. Queriamos crear unha interpretación moderna deses padróns".
Chapas de madeira para crear o padrón
Sara e o equipo descubriron unha técnica interesante chamada chapa técnica. "É un proceso asaz complexo, onde as chapas da madeira son tinguidas en tres tonalidades distintas. Estas capas de chapa son comprimidas entre si ata formar cubos máis grosos e, cando se cortan diagonalmente, dan como resultado capas finas en forma de diamante cun padrón diferente. Na etapa final, as capas de chapa únense para crear láminas cun padrón de espiga de peixe máis grande e instálanse na fronte do armario".
Unha cociña anovada
A cor de HASSLARP combina á perfección co da fronte de cociña de madeira SINARP, aínda que tamén se pode combinar con outras portas monocolor da nosa gama para crear un contraste apaixonante. Tamén as podes instalar nuns armarios e montar un moble independente. "Cunhas poucas portas, HASSLARP permite darlle á cociña un aire totalmente anovado, de alta calidade e de aspecto artesanal con toques modernos. Acho que o padrón clásico realza a madeira de maneira moi interesante".
Material
Que é a chapa de madeira?
Unha chapa é unha fina lámina de madeira que se fixa sobre cousas como taboleiros de partículas para engadir unha superficie duradeira e un aspecto de madeira natural; así gozamos das moitas vantaxes da madeira sen utilizar madeira maciza. Os tipos de chapa máis comúns son o bidueiro, o freixo, o carballo e o haxa, e fabricamos unha laca UV especial que axuda a conservar a estrutura natural da madeira. Unha vantaxe da chapa lixeiramente máis grosa é que podes reparar e lixar a superficie se está danada para que os mobles teñan unha vida máis longa e bonita.