Colchas e sobrecamas

Normalmente, non temos en conta o gran poder das colchas, capaces de cambiar nun intre o aspecto e o tacto da túa cama. Chegou o outono? Pon unha suave colcha con cores cálidas para gozar dunha maior comodidade. Cambiaches o papel de parede? As colchas a pé de cama con cores combinadas axudan a establecer a túa liña de decoración. Tes visita e vai quedar a durmir? Cos edredóns seguro que consegues impresionar aos teus convidados. Noutras palabras, unha simple colcha ten moito que ofrecer en canto a comodidade e estilo.

Colchas que van co teu estilo

Temos unha variedade de colchas que pegan con todos os estilos. Gustaríache algo claro e colorido? Ou prefires unha colcha cómoda e quentiña? Gústanche as cores naturais ou os tons brillantes e alegres? Da igual como queiras engalanar a túa cama; atoparás a colcha que se axuste ás túas necesidades.

Colchas cálidas

Ademais de ser un detalle elegante da túa decoración en xeral, as nosas colchas tamén te axudan a abrigarte e gozar dunha gran comodidade polas noites. Pon unha colcha sobre o edredón e a funda nórdica ou utilízaa como manta se tes frío. Na nosa ampla variedade de colchas atoparás materiais como forro polar, algodón ou liño. Todas teñen características e grosores distintos, o que che ofrece unha grande oportunidade para elixir a calidez adicional que precisas.

Forro polar

O forro polar é lixeiro, suave e cálido. É perfecto como manta adicional nas noites máis frías, pero non engade peso sobre o corpo.

Algodón e poliéster

Tanto o algodón como o poliéster teñen unha característica importante en común, ambos son materiais versátiles. Notaralo rapidamente coas nosas colchas de algodón e poliéster. Hai edredóns máis pesados feitos destes materiais que manteñen a calidez e a comodidade mesmo nas noites máis frías. Non obstante, tamén temos colchas destes materiais que son máis axeitadas para as estacións máis cálidas e as noites menos frías.

Liño

Á fin temos liño É un material natural, forte e duradeiro, e lávase ben. O liño é unha boa elección para calquera persoa á que lle guste tomar algún aperitivo na cama pola noite grazas á súa protección natural contra as manchas. Na nosa variedade, atoparás colchas de liño máis grosas ou máis finas, e máis cálidas ou máis frescas.